Bul týraly Ortalyq kommýnıkasııalar qyzmetinde ótken brıfıngte aıtyldy.
«Búgingi tańda qabyldanǵan sharalar nátıjesinde elimizdiń polıseıleri 1 430 birlik qarý men 35 myńnan astam oq-dárini taýyp, tárkiledi. Tárkilengenderdiń ishinde 323 tapansha, 148 avtomat, 195 travmatıkalyq tapansha, 9 granatomet, 69 birlik arnaıy qarý, 8 myltyq, 6 pýlemet jáne basqa da qarý túrleri bar. Jýyrda Jambyl oblysy polısııa departamentiniń ǵımaratyna shabýyl jasady degen kúdikpen Taraz qalasynyń turǵyny ustaldy, ol osy jyldyń 6 qańtaryna qaraǵan túni ákimshilik ǵımarattyń qoımasynan oq qorapshasy bar 4 «makarov» tapanshasyn, 7,62 mm kalıbrli 120 patrondy jáne 12 kalıbrli 11 ańshylyq patrondy urlap ketken. Urlanǵan qarý kúdiktiniń turǵylyqty jeri boıynsha jeke úıdiń aýlasynda jabdyqtalǵan qoımadan tabyldy», dedi IIM ókili Sanjar Ádilov.
Onyń aıtýynsha, Taraz qalasynyń taǵy bir kúdikti turǵyny Jambyl oblysy polısııa departamentinen ózi urlaǵan qarýdy saqtaǵan eki qoımany kórsetip, óz kinásin tolyq moıyndaǵan.
