«Orta eseppen járdemaqymen 493,1 myń otbasy qamtyldy, onyń ishinde naýryz aıynda 499,3 myń otbasy jalpy somasy 27,8 mlrd teńge járdemaqy aldy», dep jazylǵan vedomstvo taratqan habarlamada.
Atalǵan memlekettik járdemaqyny 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan ala alady.
Tólem mólsheri balalardyń sanyna baılanysty saralanady jáne 2022 jyly 49 100 teńgeni (4 bala), 61 383 teńgeni (5 bala), 73 666 (6 bala) teńgeni, 85 948 teńgeni (7 bala), 8 balaǵa – 98 016 teńgeni, 9 balaǵa – 110 268 teńgeni, 10 balaǵa – 122 520 teńgeni, 11 balaǵa – 134 772 teńgeni, 12 balaǵa – 147 024 teńgeni, 13 balaǵa – 159 276 teńgeni, 14 balaǵa – 171 528 teńgeni, 15 balaǵa – 183 780 teńgeni, 16 balaǵa – 196 032 teńgeni nemese ár balaǵa 12 252 teńgeni quraıdy.
Eske sala keteıik, 2020 jyldyń 1 qańtarynan bastap kópbalaly otbasylarǵa olardyń kiristerin esepke almaı beriletin memlekettik járdemaqy – ataýly áleýmettik kómek qarastyrylǵan.
