«Búgingi tańda qaza tapqan 19 jáne aýyr jaralanǵan 106 Ishki ister mınıstrligi, Ulttyq qaýipsizdik komıteti qyzmetkerleriniń otbasy múshelerine jáne Qorǵanys mınıstrligi men Respýblıkalyq ulannyń áskerı qyzmetshilerine materıaldyq kómek kórsetildi. Jalpy soma 451 mln teńgeni qurady», dedi Lázzat Shyńǵysbaeva brıfıng barysynda.
Ol sondaı-aq qańtar oqıǵasynda jazataıym qaza bolǵandardyń týystaryna qarajat bólingenin aıtty.
«Qaza bolǵan úsh azamattyń otbasy múshelerine aqshalaı tólemder jiberildi. Sondaı-aq zardap shekken úsh balanyń jáne qaıtys bolǵan eki balanyń otbasylaryna aqshalaı tólemder aýdaryldy. Bul sanattaǵy japa shekkenderge tólengen jalpy tólem somasy 44 mln teńgeni qurady», dedi qor ókili.
Aıta ketsek, sońǵy úsh aıda «Qazaqstan halqyna» qoǵamdyq qoryna 126,05 mıllıard teńge qarjy tústi.
