Atap aıtqanda, zań jobasyna kelesi túzetýler engizilgen:
- Alaıaqtyq, qarjy pıramıdalaryn qurý, monopolıstik qyzmet, ekonomıkalyq kontrabanda, kedendik bajdardy tóleýden jaltarý, memlekettik shekarany zańsyz kesip ótý jáne qorǵaý erejelerin buzý, zańsyz kóshi-qondy uıymdastyrý úshin qylmystyq jaýapkershilikti kúsheıtý;
- QAJ mekemelerinde, tergeý ızolıatorlarynda, ÝUI-da ustalatyn adamdardyń uıaly baılanys quraldaryn zańsyz bergeni jáne paıdalanǵany úshin qylmystyq jaýaptylyq engizý;
- Jazanyń jekelegen túrlerin taǵaıyndaý jáne oryndaý tártibin jetildirý (qylmystyq qamaýǵa alý uǵymyn ony óteý sharttaryn jeńildete otyryp túzetý);
- QIB máseleleri boıynsha táýelsiz qoǵamdyq komıssııalar qurý;
- Sottardan birqatar ókilettikterdi prokýratýra organdaryna bere otyryp, jekelegen is júrgizý jáne tergeý áreketterin sanksııalaý tártibin jetildirý;
- Qorǵaý tarapyna qorǵaý aktisi túrinde sotqa shoǵyrlandyrylǵan is júrgizý qujatyn berý quqyǵyn berý;
- Tergeý áreketterin beınetirkeýdiń is júrgizý mańyzdylyǵyn keńeıtý;
- Sottalǵandarmen yntymaqtastyq týraly prosestik kelisim ınstıtýtyn jetildirý;
- Sotqa deıingi tergep-tekserý nysandary men rásimderin, onyń ishinde sotqa deıingi tergep-tekserý organy shyǵaratyn prosestik sheshimderdiń sanyn qysqarta otyryp ońtaılandyrý.
Bul úshin Bıýdjet kodeksine, Qylmystyq kodekske, Qylmystyq is júrgizý kodeksine, Qylmystyq-atqarý kodeksine, «Qazaqstan Respýblıkasyndaǵy bankter jáne bank qyzmeti týraly», «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde, arnaýly úı-jaılarda ustaý tártibi men sharttary týraly», «Qazaqstan Respýblıkasyndaǵy bankter jáne bank qyzmeti týraly» zańdarǵa túzetýler engizý qajet.
Zań jobasy jarııa talqylaý úshin 28 sáýirge deıin Ashyq NQA saıtynda ornalastyrylǵan.
