Qoǵam • 14 Sáýir, 2022

«Qazaqstan halqyna» qory balalardyń shetelde emdelýine kómek berdi

66 ret kórsetildi

«Qazaqstan halqyna» qory júrek aqaýynyń óte aýyr dıagnozymen týǵan Musa esimdi balanyń Ońtústik Koreıaǵa medısınalyq avıatasymaldaý aqysyn tólep berdi, dep habarlaıdy Egemen.kz qordyń baspasóz qyzmetine silteme jasaı otyryp. 


 

Qordyń taratqan málimdemesine súıensek, Qor kishkentaı Musanyń Ońtústik Koreıaǵa medısınalyq avıatasymaldaý aqysyn tólep bergen. Balaqaıdyń týa bitken júrek aqaýynyń óte aýyr túri dıagnozy bar.

«Alty aılyq Musa Sultashev ata-anasymen birge Atyraý oblysynan Koreıanyń Seýl qalasyndaǵy INCHEON SEJONG HOSPITAL medısınalyq mekemesine tikeleı arnaıy reıspen ushty», dep jazylǵan uıymnyń baspasóz habarlamasynda.

Musanyń shetelde emdelý aqysyn ózge qaıyrymdylyq uıym tolyǵymen ótep bergen. Sol sebepti balanyń ata-anasy «Qazaqstan halqyna» qoryna medısınalyq transporttaý aqysyn tóleýge ótinish bildirgen.

«Ushaqpen sapar 12 saǵatqa sozyldy, ońaı bolǵan joq, biraq bizdiń kishkentaı batyr shydamdy boldy. Endi emdi bastaımyz», deıdi balanyń ákesi J. Sultashev.

Sondaı-aq qor Batys Qazaqstan oblysy, Aqsaı qalasynyń kishkentaı turǵynyna Reseıdiń Máskeý qalasyndaǵy V.I. Kýlakov atyndaǵy «Akýsherlik, gınekologııa jáne perınatologııa ulttyq medısınalyq ǵylymı ortalyǵynda» jasalatyn otanyń aqysyn tólep beretin boldy.

«Quzyretti organnyń medısınalyq qorytyndysyn zerdelegen Saraptamalyq komıssııanyń usynymy boıynsha qor naýqastyń ekinshi otasyn emdeý kýrsyn tóleý týraly sheshim qabyldady. Qazir qyz bala ata-anasymen birge aýyr ota jasatý úshin saparǵa daıyndalyp jatyr. Kishkentaı qazaqstandyqtardyń ómirin saqtap qalý úshin qordan 52 mıllıon teńge bólindi», dep jazylǵan qordyń aqparatynda.

Eske salsaq, «Qazaqstan halqyna» qory arqyly álemdegi eń qymbat dárini kimder alǵany aıtylǵan edi. 

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar