Onyń ishinde otbasy-turmystyq qatynastar salasyndaǵy buzýshylyqtar – 2 500. Osyndaı 22 janjal sońy qylmysqa barýmen aıaqtalǵan.
– Bıyl Pavlodar oblysynyń polısııa qyzmetkerleri 1 960 qorǵaý nusqamasyn shyǵardy, sondaı-aq 305 azamattyń júris-turysyna erekshe talaptar qoıyldy. О́ńirdiń 180 turǵyny shyǵarylǵan qorǵaý nusqamalaryn buzdy, – dedi Pavlodar oblysy Polısııa departamenti bastyǵynyń birinshi orynbasary Jasqaırat Qaıyrov.
Otbasylyq janjaldardy buzý Ákimshilik kodekstiń eki baby boıynsha qarastyrylady. Máselen, zańda densaýlyqqa qasaqana jeńil zııan keltirgeni úshin 15 AEK mólsherinde aıyppul salý ne 15 táýlikke deıingi merzimge ákimshilik qamaqqa alý kózdelgen. Sondaı-aq bireýdiń densaýlyǵyna jeńil zııan keltirgen adam 10 AEK mólsherinde aıyppul arqalaıdy nemese 10 táýlikke deıingi merzimge ákimshilik qamaýǵa alynady.
Mysaly, 8 sáýirde Pavlodar turǵyny úıde anasymen janjaldasyp qalǵan. Er adam anasyna aýyr sózder aıtyp, oǵan fızıkalyq zorlyq-zombylyq jasaýǵa deıin baramyn dep qorqytqan. Buryn ol osyndaı quqyq buzýshylyq jasaǵan. Sol úshin jaýapqa tartylǵan. Bul joly ýchaskelik ınspektor janjalshyǵa qatysty QR ÁQBtK-niń 73-babynyń 2-bóligi boıynsha ákimshilik hattama toltyrdy. Sot oǵan 10 táýlikke qamaýǵa alý túrindegi ákimshilik jaza shyǵardy.
