«Ishki ister mınıstrligi alaıaqtardyń jańa amaldary týraly eskertedi. Alaıaqtar ózderin tergeýshiler retinde tanystyryp, polısııanyń bólimshesine onlaın-nesıe rásimdelgeni týraly azamattardyń týystary nemese tanystary habarlaǵanyn aıtady. Derekterdi naqtylaý úshin qylmyskerler azamattarǵa shottar týraly aqparatty, sondaı-aq aty-jóni men JSN sekildi derbes aqparatty aıtýyn suraıdy», dep túsindirdi Shuǵyla Turlybek.
Onyń aıtýynsha, bul áreketterdiń barlyǵy bank kartalary men depozıtterine qol jetkizip, odan ári olardan aqsha aýdarýǵa nemese nesıe alýǵa baǵyttalǵan.
Eger sizge banktiń nemese polısııanyń qyzmetkerimin degen qońyraý tússe, málimetterdi naqtylaý úshin telefondy qoıyp, bankke habarlasý kerek.
«Polısııa da, bank qyzmetkerleri de eshqashan banktik shottar nemese derbes derekter týraly suramaıtynyn este saqtaý qajet. Bank shottarynyń qorǵalýyn qamtamasyz etý úshin paroldi únemi ózgertińiz, SMS rastaý tólem júıelerindegi barlyq qaýipsizdik júıelerin óshirińiz, IP mekenjaıyn baqylańyz», dep túsindirdi departament ókili.
Aıana Toǵanbek
