Munda óner qaıratkeriniń ómiri men shyǵarmashylyǵy týraly týyndylar, jeke zattary, otbasylyq fotosýretteri, orden, medal, attestat kýálikteriniń kóshirmeleri kelýshiler nazaryna usynylǵan. Sondaı-aq aktrısanyń óz qolymen jazǵan ómirbaıany da saqtalǵan.
Al osy aıdyń úshinshi onkúndiginde Sholpan Jandarbekovanyń ómiri men shyǵarmashylyǵyna arnalǵan spektaklder kórsetiletin Qarqaraly mádenıet úıiniń holynda jyljymaly stendter qoıylmaqshy.
Atalǵan murajaıdyń dırektory Nazym Ábisheva óner ıesiniń shyǵarmashylyǵyn nasıhattap, onyń talantynyń bar qyryn ashýdy maqsat etkenderin aıtady.
– Bizdiń murajaıda aktrısanyń otbasylyq muraǵatynan alynǵan biregeı fotosýretterdiń jáne qujattarynyń kóshirmeleri bar. Osynyń bárin biz E.Bóketov atyndaǵy Qaraǵandy ýnıversıtetiniń tarıh fakýltetinde oqıtyn stýdentterge de kórsetkimiz keledi. Sondyqtan mádenıet úıindegi kórmeden keıin stendter Qaraǵandyǵa jetkiziledi, – deıdi murajaı dırektory.
Qazaq KSR-niń eńbek sińirgen ártisi, KSRO jáne Qazaqstannyń halyq ártisi Sholpan Jandarbekova 1922 jyldyń 1 qańtarynda Qarqaraly aýdanynyń Mılybulaq aýylynda dúnıege kelgen. Áıgili aktrısa teatr óneri men kınoındýstrııa tarıhynda óshpes iz qaldyrdy. Mysaly, aktrısa «Abaı joly», «Dala qyzy», «Mahabbat týraly poema» jáne basqa da fılmde oınaǵan.
Sholpan Jandarbekova ómiriniń kóp bóligin M.Áýezov atyndaǵy Qazaq drama teatrynda ótkizip, 200-den astam obrazdy somdady. Sonymen qatar ol T.Júrgenov atyndaǵy Qazaq ulttyq óner akademııasynda akterlik sheberlikten sabaq berip, ataqty akterlerdiń úlken shoǵyryn tárbıelep shyǵarǵan.
Qaraǵandy oblysy,
Qarqaraly aýdany
