Qazaqstan tennıs federasııasynyń málimeti boıynsha, qazaqstandyq tennısshi qyzdar D tobynda О́zbekstan, Iran jáne Nepal quramalarymen synǵa túsetin boldy. Keshe jerlesterimiz Nepal tennısshilerine qarsy alǵashqy oıynyn ótkizdi. Al jalpy irikteý týrnıri 18-23 sáýir aralyǵynda ótedi. Bul synda el namysyn Eva Korysheva (Aqtóbe), Arıana Gogýlına (Nur-Sultan) jáne Sátıma Tóregen (Almaty) qorǵaıdy. Komanda kapıtany – Muqam Ermatov.
Aıta keteıik, ótken aptanyń sońynda tennısten Qazaqstan qyzdar quramasy Bıllı Djın Kıng kýbogy jolyndaǵy jarystyń irikteý kezeńinde Germanııa quramasynan basym túsip, tuńǵysh ret atalǵan týrnırdiń fınalyna joldama jeńip alǵan edi.
