Bul Táýelsizdik alǵan 30 jylda tabylǵan aımaqtaǵy qundy kómirsýtekterdiń eń úlken qoımasy. Ken orynǵa geolog-barlaýshy Halel О́zbekǵalıevtiń esimi berilgen. Burǵylaý jumystaryna Mańǵystaý jáne Beıneý aýdandarynyń ákimderi jáne ınvestor «Merıdıan Petroleým» kompanııasynyń vıse-prezıdenti Esen Kúmisqalıev pen «Tepke» JShS bas dırektory Qaramýrzıev Berkin qatysty.
Jańa ken oryndy barlaý jumystary bir jyl buryn bastalǵan. Osy kezge deıin Beıneý aýdanynyń Tólep jáne Mańǵystaý aýdanynyń Saı-О́tes aýyldarynyń turǵyndarymen kezdesý ótkizilip, ashyq tyńdaýlar uıymdastyryldy.
«Búgin biz tarıhı sátke kýá bolyp turmyz. Bıyl ken orynda táýligine 1000 tonna qara altyn óndirý josparda bar. Aldaǵy ýaqytta Beıneý jáne Mańǵystaý aýdandarynyń 150-ge jýyq turǵynyn jumyspen qamtyp, aýdandardyń áleýmettik-ekonomıkalyq damýyna óz úlesimizdi qosamyz. Bul jumystar aldaǵy bes jylǵa josparlanyp otyr», dedi E. Kúmisqalıev.
Jaqyn kúnderi kompanııa aýdan basshylarymen eki jaqty memorandým jasap, jospar bekitiledi.
