«Kadr daıarlaý boıynsha eń basty másele – berilgen bilimniń naryq talabyna sáıkes bolýy. Onyń basty sharty - akademııalyq derbestik. Naryq talaptary tez ózgerip otyrady, sondyqtan júıe eskirip, bilim berý baǵdarlamalary sáıkes kelmeı jatady. Jańa mamandyq ashý úshin 1-2 jyl ketedi. Endi ýnıversıtetterge akademııalyq derbestik berilip, olar bilim berý baǵdarlamalaryn kásibı standarttarǵa sáıkes ázirleıdi. Iаǵnı, endi memleket emes, oqý orny jumys berýshilermen birlese otyryp, oqý baǵdarlamalaryn retteýge múmkindik aldy», dedi Bilim mınıstri Úkimet otyrysynda.
Onyń aıtýynsha, endigi másele – naryqqa qandaı daǵdylar qajettigin anyqtaıtyn kásibı standarttardyń joqtyǵy.
Kolledjderge de akademııalyq derbestik berilip jatyr. Buǵan deıin stýdentter 2-4 jylǵa deıin uzaq oqıtyn, jumys berýshiniń talaptary eskerilmeı, mektepte oqyǵan pánder qaıtalanyp, nátıjesinde bir ǵana biliktilik ıgeriletin. Endi kolledjder oqytý baǵdarlamasyn derbes ázirlep, oqý merzimderin ózderi aıqyndaı alady, al túlekter úsh biliktilikti birdeı ıgere alady.
«Eskirgen mamandyqtar joıylyp, jańa mamandyqtar ashylyp jatyr. Mysaly 50-ge jýyq eski mamandyq boıynsha oqytý toqtatylyp, tıisinshe 60-qa jýyq buryn-sońdy oqytylmaǵan mamandyqtar ashylǵan. Sapany qamtamasyz etýdiń taǵy bir sharty – bilim berý baǵdarlamalaryn jańartý. Daıyn bolǵan kásibı standarttar boıynsha ýnıversıtetterde 4 myńnan astam baǵdarlama jańartyldy. Buryn bolmaǵan jasandy ıntellekt, IT-medısına, sıfrlyq zańger sııaqty 269 jańa baǵdarlama engizildi. Bular «Jańa bolashaq mamandyqtar atlasyna» sáıkes ashylyp otyr», dedi Ashat Aımaǵambetov.
