Qazaqstan tennıs federasııasynyń málimeti boıynsha E.Rybakına alǵashqy aınalymda dúnıejúzilik reıtıngte 224-orynda turǵan, jarysqa arnaıy shaqyrtýmen qatysyp jatqan germanııalyq Nastasıa-Marıana Shýnkpen sheberlik baıqasty. Qarsylastar buǵan deıin kezdespegen. О́tken aptada elordada Qazaqstan-Germanııa matchynda Laýra Zıgemýnd pen Anjelıka Kerberdi utqan Elena bul joly da nemis qyzyn qapy qaldyrdy. Birinshi partııada 19 jastaǵy tennısshi 4:2 esebimen alǵa shyqqanymen, qazaqstandyq tennısshi tarazy basyn teńestirdi. Taı-breıkte E.Rybakına basymdyq tanytty – 7:6 (7:3). Ekinshi setti Elena breıkpen bastady – 2:0. Alaıda matchqa dop bergende, Shýnk breık jasap ketti – 5:5. Degenmen Rybakına sol boıda qaıtadan breıkke qol jetkizdi – 6:5. Sońǵy geımde otandasymyz múmkindigin múlt jibergen joq – 7:5.
E.Rybakına júlde qory 703 580 AQSh dollaryna baǵalanǵan dodanyń shırek fınalyna ótý úshin álemniń 3-raketkasy, ıspanııalyq Paýla Badosaǵa qarsy kortqa shyǵady.
