Joba Aqparat jáne qoǵamdyq damý mınıstrliginiń qoldaýymen júzege asyrylyp jatyr.
Josparǵa sáıkes aýyldyq bastamalar salasyndaǵy zamanaýı jobalar ómir súrý sapasyn arttyrýǵa jáne jergilikti qoǵamdastyqtyń ózekti máselelerin sheshýge baǵyttalmaq.
Jobany iske asyrý barysynda aýyldyq jerlerdegi bastamashyl toptardyń qarjylyq jáne zańdyq saýattylyǵyn arttyrý máselelerine erekshe kóńil bólinedi dep kútilýde.
«Bıyl bizdiń joba aıasynda aýyldyq jerlerdegi bastamalardy damytýǵa 50 shaǵyn grant bólinedi. Árbir granttyń mólsheri - 500 myń teńge. Alaıda qazirgi ýaqytta aýyl kóshbasshylarynyń óz bastamalaryn iske asyrýyna múmkindik beretin daǵdylary, quzyreti deńgeıiniń tómendigine qatysty birqatar másele bar. Sondaı-aq, olardyń jobany áleýmettik jobalaýda, bıýdjettik ótinim jasaýda, jobany sapaly iske asyrýda tájirıbesi joq. Sondyqtan jobanyń basynan bastap biz áleýetti grant alýshylar úshin oqytý semınarlaryn, keńes berý is-sharalaryn uıymdastyramyz. Shaǵyn granttardy iske asyrý barysynda, sondaı – aq, konkýrsty jarııalaý kezinde aýyldyq jerlerde 200-den astam turǵynǵa, ÚEU ókilderine keńes beremiz dep boljap otyrmyz», dep atap ótti «Jastar SО́S úshin» JQB tóraǵasy Lıdııa Grabar.
Ol sondaı-aq jergilikti qoǵamdastyqtardyń ózekti máselelerin sheshýge baǵyttalǵan jobalardy iske asyrý barysynda monıtorıngtik is-sharalardyń júrgiziletinin atap ótti.
Joba aıasynda aýyldarda keminde 20 turaqty jumys orny uıymdastyrylady dep josparlanǵan.
«Aýyldyq jerlerde azamattyq bastamalardy damytýǵa baǵyttalǵan is-sharalar keshenin uıymdastyrý» jobasyn iske asyrý 2022 jyldyń sońyna deıin jalǵasady.
