Bıyl:
- Túlekterdiń ótinishi men qalaýyn eskere otyryp, bıyl grantqa úmitkerlerge UBT-ny eki ret tapsyrý múmkindigi berildi.
Bul rette talapkerler eki múmkindikte beıindi pánderdiń bir kombınasııasyn ǵana tańdaı alady.
- «Quqyq» bilim salasy boıynsha shekti ball ózgerdi jáne 75 baldy qurady. Bilim berýdiń basqa salalary boıynsha ózgerister joq.
- UBT-nyń bazasyna «Qazaqstan tarıhy» páni boıynsha test tapsyrmalarynyń sany ózgerissiz saqtala otyryp kontekstik test tapsyrmalary engizildi.
- Erekshe bilim berý qajettiligi bar balalarǵa qosymsha testileý ýaqyty (40 mınýt) berildi. Sonymen qatar, olarǵa sýretsiz, syzbalarsyz jáne dıagrammalarsyz test nusqalary jasaldy.
- UBT barysynda kompıýter ekranynda kalkýlıator, Mendeleev kestesi, sondaı-aq metaldardyń belsendilik qatary qosylǵan tuzdardyń erigishtik kestesi bolady.
- UBT-ǵa qatysýshylarǵa testileý aıaqtalǵannan keıin ekranda, sondaı-aq Jeke kabınetinde jeke taqyryptyq taldaý qoljetimdi bolady. Bul testilenýshilerge ár pándi meńgerý deńgeıin túsinýge múmkindik beredi.
- Akademııalyq adaldyqty saqtaý maqsatynda testilenýshilerdiń test nusqasy tańbalanatyn bolady. Iаǵnı, UBT-nyń ár qatysýshysynyń jeke test nusqasy bolady.
Ereje buzǵan nemese test tapsyrmalaryn aýdıtorııadan shyǵarýǵa talpynǵan jaǵdaıda ereje buzýshylar anyqtalyp, olardyń nátıjeleri joıylady.
Aqparattyq qaýipsizdik maqsatynda testileý «1 kompıýter – 2 kamera – 1 testilenýshi» qaǵıdaty boıynsha júrgiziledi.
Endi ár testilenýshiniń test tapsyrý ornynda jeke basyn (Face ID) sáıkestendirýge jáne bógde adamdardyń kirýine jol bermeýge múmkindik beretin ekinshi (frontaldy) kamera ornatylǵan.
2022 jylǵy túlekter úshin odan da kóp bilim ortalyqtarynyń qoldaýymen tegin onlaın sabaqtar júrgizilip jatyr.
Sabaqtar ortalyqtardyń YouTube arnasynda tikeleı efırde ótedi, olar mindetti túrde saqtalady.
Osylaısha, testilenýshiler yńǵaıly jáne qobaljýsyz UBT tapsyrýy úshin barlyq jaǵdaı jasalyp jatyr.
Esterińizge sala keteıik, testileý ortalyǵy UBT-2022 beınejazbasyn kúntizbelik jyl sońyna deıin qaraıdy, sondyqtan barsha talapkerlerdi akademııalyq adaldyqty saqtaýǵa shaqyrady.
