Ulttyq statıstıka bıýrosynyń dereginshe, 2020 jylmen salystyrǵanda byltyr qant jáne kondıter ónimderinen basqa azyq-túlik ónimderiniń negizgi toptary boıynsha tutyný kórsetkishi tómendegen.
«Mańyzy bar azyq-túlik ónimderi toptarynyń ishinde tutyný kórsetkishi sút jáne sút ónimderine - 6,3%, nan jáne jarma ónimderine - 4,7%, et jáne et ónimderine 1,7% tómendedi. Byltyr bir aıda ortasha eseppen halyqtyń jan basyna shaqqandaǵy azyq-túlik ónimderiniń jekelegen túrleri boıynsha tutynýy: kartop – 3,9 kg, birinshi suryptaǵy bıdaı unynan pisirilgen nan – 2,8 kg, sıyr eti – 2 kg, alma - 1,6 kg, kúrish, qumsheker – 1,3 kg, shıki sút, aıran – 1,3 l, jumyrtqa – 16,2 dana, makaron – 0,9 kg, jańa aýlanǵan nemese salqyndatylǵan balyq – 0,8 kg, qara shaı – 0,1 kg», dep jazdy vedomstvodan.
Qala men aýyl halqynyń azyq-túlik ónimderiniń negizgi toptaryn tutyný kórsetkishin salystyrǵanda, eń joǵary aıyrmashylyq jumyrtqa, nan jáne jarma ónimderi, sondaı-aq jemisterdi tutynýda baıqalady.
«Azyq-túlik ónimderin tutyný derekteri turmys deńgeıine qaraı 12 000 úı sharýashylyǵyn iriktep zertteý nátıjelerimen esepteldi», delingen habarlamada.
