Qabyldanyp jatqan sharalar memlekettik organdardy nátıjeli jumysqa, azamattardy tolǵandyratyn máselelerdi tıimdi ári sapaly sheshýge baǵyttaýǵa múmkindik beredi. Máselen, búgingi tańda Úkimet qaýlysymen komıssııalar sany 70-ten 25-ke deıin qysqartyldy. Osyndaı jumystar mınıstrlikterde de júzege asady. Qujattardy qaraý merzimin eki ese qysqartatyn, sondaı-aq norma shyǵarý prosesin qaıta quratyn Úkimettiń jańa reglamenti ázilenip jatyr. Reglamenttiń jańa redaksııasy jaqyn arada bekitiledi.
Sonymen qatar Úkimet basshylyǵynyń qoldanystaǵy tapsyrmalary tekserilip jatyr. Mańyzdylyǵyn joıǵan jáne qaıtalanatyn tapsyrmalardyń barlyǵy alynyp tastalady.
Sondaı-aq «E-ótinish» aqparattyq júıesiniń bazasynda memlekettik organdar jumysynyń tıimdiligin arttyrý jáne bıýrokratııadan aryltý jónindegi usynystardy jınaıtyn onlaın-resýrs qurylady.
«Is-qımyl jospary óte qysqa merzimde oryndalýy tıis. Barlyq tarmaqtyń oryndalý sapasyna nazar aýdarýdy suraımyn», dedi Premer-Mınıstr.
Álıhan Smaıylov atqarylyp jatqan sharalar memlekettik apparattyń jumysyn edáýir jeńildetip, qoǵam úshin barynsha tıimdi ári ashyq bolýy tıis ekenin atap ótti.
