Koronavırýs • 27 Sáýir, 2022

Elordalyq pedıatr ekpeniń mańyzdylyǵyn aıtty

64 ret kórsetildi

Elordada 24-30 sáýir aralyǵynda «Uzaq ómir» uranymen Eýropalyq ımmýndaý aptalyǵy ótip jatyr. Is-sharanyń maqsaty – vaksınany alýdyń mańyzdylyǵyn jáne onyń qoljetimdiligin kórsetý, dep habarlaıdy Egemen.kz qala ákimdiginiń resmı saıtyna silteme jasap.

«Vaksınalar bizge asqynýsyz jáne aýrýsyz ómir súrýge, tolyqqandy salaýatty ómir súrýge múmkindik beredi. Ekpe arqyly aldyn alýǵa bolatyn aýrýlar jyl saıyn kúsheıip barady, saldarynan asqynýlarǵa, tipti jas balalardyń mezgilsiz ólimine ákeledi. Qazirgi ýaqytta ımmýnızasııanyń balamasy joq dep aıtýǵa bolady», deıdi qalanyń shtattan tys pedıatr dárigeri Dana Ábilǵazına.

Onyń aıtýynsha, ımmýndaý máselesi tek medısına qyzmetkerlerge mindettelmeıdi jáne mindettelmeýi kerek. Bul árbir adamnyń jeke jaýapkershiligi.

«Buqaralyq aqparat quraldary arqyly biz tek habarlap, túsindirip bere alamyz. Al vaksınany alý árbir adam úshin qajettilik bolyp qala beredi. Sońǵy ýaqyttary ekpeniń qaýipsizdigi týraly pikirler kóbeıdi. Degenmen jalǵan faktiler men materıaldar da jarııalanyp turady, tıisinshe teris maǵynada qyzý talqylanyp jatady. Bul pikirler orynsyz, óıtkeni ol naqty dáleldenbegen nemese bireýdiń jeke pikirine ǵana negizdelgen», deıdi maman.

Sóz arasynda bul qoǵamda úlken rezonans týdyratynyn, saldarynan jurt arasynda negizsiz qorqynysh paıda bolatynyn aıtty.
«Vaksına alǵannan keıingi kez kelgen reaksııa ınfeksııalardyń asqynýynan áldeqaıda jeńil. Ol aýrýdyń saldarymen salystyrýǵa kelmeıdi. Mysaly, qyzamyq aýrýyn alyńyz. Balalyq shaqta aýrý jeńil ótkenmen júkti áıelder úshin óte qaýipti bolyp esepteledi. Eger áıel qyzamyqpen aýyrsa, bul jatyrdaǵy sábıdiń týa bitken deformasııasyna, túsik tastaýyna, sol sııaqty óli týylýyna ákelýi múmkin. Nemese polıomıelıt aýrýy paralıchtiń damýyna ákelýi, nátıjesinde adam múgedek bolyp qalýy múmkin. Eger dıfterııa paıda bolsa, aýrýdan keıingi ólim jaǵdaıynyń táýeldiligi óte joǵary bolmaq. Bul tizimdi ary qaraı da jalǵastyra berýge bolady. Kez kelgen ata-ana óz balasynyń densaýlyǵy úshin jaýapty, sondyqtan ýaqytyly ekpe alýdyń qanshalyqty mańyzdy ekenin túsinýi kerek. Vaksına balańyzǵa eshqandaı zııan tıgizbeıdi, tek aýrýdyń asqynýynyń nemese ólimniń aldyn alady», - dep qosty Dana Ábilǵazına.

Qalalyq Densaýlyq saqtaý basqarmasynyń málimetinshe, elordada 18 jasqa deıingi 400 myńǵa jýyq bala turady. 2021 jyldyń qorytyndysy boıynsha 1 jasqa deıingi balalardyń 97% qyzylshaǵa, qyzamyqqa, parotıtke qarsy profılaktıkalyq ekpe aldy. Alaıda 2 jasqa deıingi balalardy kókjótelge, dıfterııaǵa jáne sirespege qarsy profılaktıkalyq ekpemen qamtý 84,6%-dy ǵana qurady.

 

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar