Gala-konsertte baıqaýdyń úzdikteri óner kórsetedi.
Aıta keteıik, irikteý týrlary elordanyń 8 jerinde ótti. Qazylar alqasynyń aldynda qalanyń 115 bilim berý mekemesinen 4 myńnan astam oqýshy óner kórsetti.
Baıqaý kúnderi shyǵarmashylyq ujymdar men jeke oryndaýshylar «Horeografııa», «Aspaptyq janr/jeke oryndaýshylyq», «Aspaptyq janr/ansamblder», «Vokaldyq janr/jeke oryndaýshylyq», «Vokaldyq janr/ansamblder», «Hor», «Teatr óneri», «Vokal janry/ansamblder», «Fotografııa», «3D modeldeý» nomınasııalarynda synǵa tústi.
Qazylar alqasy talantty jastardyń daıyndyq deńgeıin joǵary baǵalady.
«Bıylǵy jyldy Qazaqstan Prezıdenti Qasym-Jomart Toqaev balalar jyly dep jarııalady, onyń aıasynda bizde XV «Shattyq-2022» balalar men jasóspirimder arasynda festıval-baıqaýy ótýde. №1 Balalar mýzyka mektebinde jeke, estradalyq, akademııalyq vokal, dástúrli án nomınasııalary boıynsha irikteý týry ótti. Oǵan jalpy bilim beretin mektepterdiń, kolledjderdiń 153 oqýshysy qatysty. Balalar joǵary deńgeıde daıyndaldy», dedi Nur-Sultan qalasynyń №1 Balalar mýzyka mektebiniń dırektory Bolat Qydyrmanov.
Qola jáne kúmis júldegerlerdiń esimi baıqaý aıaqtalǵannan keıin belgili boldy. Ár nomınasııa boıynsha jeńimpazdar men «Shattyq-2022» gran-prıiniń ıegeri gala-konsertte jarııalanady.
