Elorda • 03 Mamyr, 2022

Elordada jóndeý-qalpyna keltirý jumystary júrgizilip jatyr

47 ret kórsetildi

Elordada barlyq qoǵamdyq keńistikterge, saıabaqtarǵa jáne basqa da adamdar baratyn oryndarǵa tekserý júrgiziledi. Qolaıly aýa-raıynyń bastalýymen jumysshylar trotýarlardy, joldardy, ózge de abattandyrý jáne jóndeý-qalpyna keltirý jumystaryna kiristi, dep habarlaıdy Egemen.kz qala ákimdiginiń resmı saıtyna silteme jasap. 

Osy rette vandalızm saldarynan paıda bolǵan aqaýlar (synǵan shamdar, oryndyqtar, plıtkalar, jaryqtandyrý tirekteri, kishi arhıtektýralyq formalar jáne t.b.) joıylady, aqaýly aktiler men smetalar jasalady.

Abattandyrý elementteriniń merziminen buryn buzylýyna ákep soqqan sapasyz oryndalǵan qurylys-montajdaý jumystarynyń faktileri boıynsha merdigerler zaqymdanýlardy joıady. Aıta ketý kerek, jyldan jylǵa sapaly materıaldar qoldanylýda, qoǵamdyq keńistikter men abattandyrý aımaqtaryn jobalaý tásilderi jetildirilip jatyr.

«Kóktemniń basynan bastap jumysshylar jóndeý-qalpyna keltirý jumystaryna kiristi. Eger jumys sapasyz oryndalsa-merdigerler óz kemshilikterin mindetti túrde óz esebinen joıady. Eger mundaı faktiler bir merdigermen qaıtalansa, onda ol keıinnen «qara tizimge» engizilip, endi konkýrstarǵa qatysa almaıdy.

О́kinishke qaraı, keıbir adamdar ortaq múlikti ózderi buzatyn vandalızm faktileri de bar. Biz bárimizge ortaq múlikke muqııat bolýymyz kerek, óıtkeni barlyq qoǵamdyq keńistikter, eń aldymen, qala turǵyndarynyń taza aýada ýaqyt ótkize alýy úshin jasalady. Sondaı - aq, qoǵamdyq keńistikterde kameralardy qaıta ornatýdy jalǵastyramyz, bul adamdardy tártipke keltirýge de, buzýshylyqtardy tirkeýge de múmkindik beredi», dedi elorda ákiminiń orynbasary Nurlan Nurkenov. 

Sońǵy jańalyqtar

Uqsas jańalyqtar