Ekologııa • 05 Mamyr, 2022

Qaırańda balyq qyryldy

1373 ret kórsetildi

Atyraýdyń sý aıdyndarynda jyl saıyn balyq qyrylý deregi qaıtalanady. Sońǵy bir aptada mundaı tosyn jaıt eki ret tirkelip otyr.

Máselen, 26 sáýirde Aty­raý qalalyq ákimdigine qaras­ty Qaıyrshaqty aýyldyq okrý­gin­degi Bezymıannyı kólinde balyqtyń qyrylý deregi tir­kel­di. Osyǵan baılanysty atal­ǵan sý aıdynyna arnaıy qurylǵan komıssııa quramynda «Jaıyq-Kaspıı» oblysaralyq basseındik balyq sharýashylyǵy ınspeksııasynyń ınspektorlary jiberildi. Inspektorlar ba­lyqtyń qaırańǵa shyǵyp, ál­si­rep qalǵanyn anyqtady.

– Balyqtyń qyrylýyna qaı­rańǵa shyǵyp qalǵany sebep bolýy múmkin. Álsiregen balyq­tardy qutqarý jumystary júr­gi­zildi. Sońǵy bes kún boıy Bezymıannyı kóline sý kelip ja­tyr. О́lgen balyqtardy sa­nıtarlyq talapqa saı joıý qol­ǵa alyndy, – deıdi ınspeksııa basshysy Nurlybek Gaısın.

Oblystyq balyq sharýashy­lyǵy basqarmasynyń basshysy Artýr Sádibekulynyń má­li­metinshe, kóktemde balyqtar ýyl­dyryq shashý úshin qolaıly óris izdeıdi. Bezymıannyı kó­lin­de qyrylǵan balyq kanalǵa kelip, tirelip qalǵan. Sol sebep­ten, balyqtardyń ýyldyryq shashý ornyna erkin kirýi úshin Qaıyrshaqty okrýgi aýmaǵynan 800 metr kanal qazyldy. Kanal­dyń tereńdigi – shamamen 1 metr.

Balyq sharýashylyǵy ko­mı­teti tóraǵasynyń orynba­sa­ry Aıan Bahııanovtyń málime­ti­ne súıensek, byltyr sý aıdyndarynda 12 tonna balyq qy­rylǵan. Al bıylǵy 26 sáýir­de Bezymıannyı kólinen 65 kılo óli balyq jınaldy. Ba­lyq­tyń qyrylý deregi 29 sáýirde Mahambet aýdanyndaǵy Almaǵambet kólinde de tirkeldi. Bul kólde ólgen balyqtyń mólsheri 507 kılony qurady.

– Jaıyq ózenine kóktemgi tasqyn sý 24 sáýirde kele bas­tady. Qazir Inder aýdanynda Jaıyq ózenine taıaý ornalasqan 22 kóldiń tórteýine sý keldi. Al Mahambet aýdanyndaǵy 18 kóldiń altaýyna sý shyqty. Balyqtyń qyrylýynyń basty sebebi Jaıyq ózeniniń saǵasyna shyǵyp, sý aıdynyna qaıta orala almaýynan bolǵan. О́ıtkeni saǵalarǵa sý tez kelip jatyr. Sý keri qaıtqanda, ottegi de azaı­ǵan, – deıdi Aıan Bahııanov.

Oblystyq balyq sharýashy­lyǵy basqarmasynyń basshysy Artýr Sádibekulynyń aıtýynsha, Mahambet aýdanyndaǵy Almaǵambet kóline 10 jyldan beri sý shyqpaǵan. Sýsyz qal­ǵan kólde jyńǵyl ósti. Bıyl bul kólge sý keldi. Kólge sý­­men birge shyqqan balyq jyń­ǵyldyń arasynda qalyp qoıǵan, – dep málim etti Artýr Sádibekuly.

Onyń aıtýynsha, Alma­ǵam­bet kólinde balyqtardy qut­qa­rý jumysyna Jaıyq-Kaspıı oblys­aralyq basseındik ba­lyq sha­rýashylyǵy ınspek­sııa­synan 40 ınspektor, Alǵa aýyldyq ok­rý­ginen 8 adam tartyldy. Qa­zir óńirde 200-den astam sý aıdyny bar. Onyń 70-ke jýy­ǵy qaýipti aıdyn qata­ryna jatqyzylǵan.

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar