«Referendým 5 maýsymda, ıaǵnı bir aıdan keıin ótkiziletinin eskere otyryp, referendým ótkiziletin kúni koronavırýs ınfeksııasynyń aldyn alý sharalary memlekettik sanıtarııa dárigeriniń jeke qaýlysynda kórsetiledi jáne ár aımaqtaǵy epıdemıologııalyq jaǵdaıǵa baılanysty bolady.
Epıdemıologııalyq jaǵdaı kúrdelense, aýmaqtyq referendým komıssııasynyń múshelerin vaksınasııa týraly qujattyq rastamasy bolsa ǵana saılaý ýchaskelerine jiberýge baǵyttalǵan qosymsha sharalar engiziledi», dedi Esmaǵambetova Ortalyq saılaý komıssııasynyń otyrysynda.
Onyń aıtýynsha, epıdemıologııalyq jaǵdaı asqynǵan jaǵdaıda qoldanylatyn qosymsha sharalarǵa saılaý ýchaskelerine kireberiste Ashyq qosymshasyn qoldaný, sondaı-aq maska taǵý rejımin saqtaý, dezınfeksııa quraldaryn qoldaný, áleýmettik araqashyqtyqty saqtaý kiredi.
