Qoǵam • 09 Mamyr, 2022

Altaı Kólginov UOS ardagerlerin jeńis kúnimen quttyqtady

53 ret kórsetildi

Elorda ákimi Altaı Kólginov Uly Otan soǵysy ardagerlerin Jeńistiń 77 jyldyǵymen quttyqtady, dep habarlaıdy Egemen.kz Nur-Sultan ákimdiginiń resmı saıtyna silteme jasap.

«Jeńis kúni merekesi qutty bolsyn!

Bul merekeniń tarıhymyzdan alar orny erekshe. Batyr babalarymyzdyń janqııarlyǵy men erliginiń arqasynda elimizde beıbitshilik pen tynyshtyq saltanat qurdy.

Ardagerlerimizdi Uly Jeńistiń 77 jyldyq merekesimen quttyqtadym. Vasılıı Antonovıch bıyl 96 jasqa keledi. Soǵys ýaqytynda Mınsk, Varshava, Poznan sekildi ózge de qalalardy jaý qolynan azat etti. Soǵystan keıin temirjol stansııasynda eńbek etti. О́ziniń kásibıliginiń arqasynda basshylyq qyzmetterdi de atqardy jáne temirjol kóliginiń damýyna ólsheýsiz úles qosty.

Yrzaǵul Baıkeshev bıyl 99 jasqa tolady. Ǵasyr jasaǵan qarııa soǵys zamanynda Polsha, Vengrııa, Rýmynııa elderin basqynshylardan bosatty. Soǵystan keıin Aqmola oblysyndaǵy aýyldardyń birinde ekspedıtor bolyp qyzmet etti.

Mıhaıl Vasılevıch soǵystan keıin temir jol salasynda jumys istedi, sol sııaqty qalanyń mańyzdy nysandarynyń qurylysyna atsalysty: Selınnıkov saraıy, birinshi stadıon, JEO, áýejaı jáne t.b.

Uly Otan soǵysynyń árbir ardageriniń, qatysýshysynyń qaıǵy men muńǵa da, qýanyshqa da toly estelikteri bar. Olardyń aýyr, «soqtyqpaly, soqpasyz» ómir joly keıingi urpaqqa qashanda úlgi bolyp qalmaq. Batyrlarymyzǵa qamqorlyq kórsetý, erlikterin, esimderin ulyqtap, qurmet kórsetý – búgingi bizdiń basty paryzymyz.

Búgin elordamyzda eskertkishterge gúl shoqtaryn qoıý rásimi ótip jatyr. Qorǵanys mınıstri Rýslan Jaqsylyqovpen birge batyrlarymyzdy eske aldyq.

Ardagerler men tyl eńbekkerlerine uzaq ǵumyr, myqty densaýlyq tileımin! Jeńistiń 77 jyldyq merekesi qutty bolsyn!», dep ákim óziniń Instagram paraqshasynda jazdy.

Aıana Toǵanbek

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar