«Mysaly AQSh-ta ınflıasııa 8 paıyzdan asyp ketti. Bul da olar úshin úlken rekord. Germanııada, Reseıde, О́zbekstanda rekordtar tirkeldi. Qazaqstanda da rekord úlken – sáýirdiń qorytyndysy boıynsha keıingi 6 jylda alǵash ret 13,2 paıyz bolyp otyr. Azyq-túlik ınflıasııasy jalpy tutyný baǵalarynyń ındeksine qatty áser etýde. Azyq-túlik baǵasy karantın kezinde logıstıkalyq tizbekterdiń úzilip, keınigi geosaıası ahýal bul máseleni ýshyqtyryp jiberdi. Úkimet pen Ulttyq bank tıisti sharalar qabyldap jatyr. Inflıasııany aýyzdyqtaýǵa arnalǵan sharalar kesheni bar. Ulttyq bank aqsha-kredıt saıasatyn júrgizse, Úkimet jedel jáne júıeli sharalar qabyldap jatyr. Eń bastysy azyq-túliktiń ımportyn almastyrýdy 80 paıyzdan 100 paıyzǵa deıin jetkizý maqsat etilip otyr», dedi mınıstr.
Sondaı-aq ol azyq-túliktiń negizgi túrlerin Qazaqstannyń óz óndirisi berip otyrǵanyn eske saldy.
«Sút, sút ónimderi, nan-toqash sııaqty ónimder negizinen ózimizde shyǵady. Keıbir ónimder boıynsha 100 paıyz otandyq óndiris qamtamasyz etilgen. Birqatar ónimder boıynsha da osy mejege jetýdi kózdelýde. Aýyl sharýashylyǵy, Saýda mınıstrlikteri tıisti jumystar atqaryp jatyr. Qant boıynsha ımportty tolyq almastyryp otyrǵan joqpyz. Eldegi qant zaýyttar qajettilikti tolyq jaba almaı otyr. Biraq jańa zaýyttar ashý jospary bary. Jarmaǵa kelsek, kóbi ózimizde óndiriledi. Naryqty tolyq qamtamasyz etý úshin tek kólemin ulǵaıtý kerek», dedi Álibek Qýantyrov.
Buǵan deıin QR Premer-Mınıstri Álıhan Smaıylov áleýmettik mańyzy bar azyq-túlik taýarlarynyń (ÁMAT) baǵasyn ustap turý máseleleri jónindegi keńeste ákimderdiń osy baǵytqa jetekshilik etetin orynbasarlary jaǵdaıdy baqylap, tıisti sharalar qabyldaýy qajettigin aıtqan bolatyn.
Aıana Toǵanbek
