Olar ózin jeke ınvestısııa tartý úshin Ulttyq Bank ázirlegen baǵdarlama retinde tanystyrady. Ondaı «baǵdarlamalardyń» keıbirinde mobıldik qosymsha da bar.
«Anyqtalǵan resýrstarda «Memlekettiń altyn-valıýta qorynan» nemese «Qazaqstannyń ulttyq resýrstarynan» túsetin kiristi baǵdarlamaǵa qatysýshylardyń paıdasyna bólý týraly jalǵan aqparat ornalastyrylǵan. Sondaı-aq Ulttyq Bank basshylyǵynyń, onyń ishinde burynǵy basshylardyń atynan shyndyqqa sáıkes kelmeıtin málimdemeler, qoldanysta joq lısenzııalardyń nómirleri, jalǵan quqyq belgileıtin qujattardyń skan-kóshirmeleri de berilgen», delingen habarlamada.
Mundaı resýrstarda alaıaqtyq áreketterdiń belgisi anyq bilinedi, óıtkeni:
Ulttyq Bank jeke tulǵalardyń shottaryna qyzmet kórsetpeıdi, aqshalaı esep aıyrysýlar men mámileler jasamaıdy;
Ulttyq Bank «Memlekettik qorlardan» paıda tabý úshin qandaı da bir platformalardy ázirleýge qatyspaıdy;
Baılanys quraly týraly aqparat, sondaı-aq Qazaqstan Respýblıkasynyń memlekettik organdarynda tirkelgen quqyq belgileıtin qujattar nemese tıisti lısenzııalar kórsetilmegen.
«Túptep kelgende mundaı feık saıttardyń maqsaty – kezdeısoq ınternet-paıdalanýshynyń jeke derekterin jınaý jáne aqsha urlaý. Ulttyq Bank mundaı jarnamalardy elemeýge, kerisinshe, bul kontentti alaıaqtyq dep belgileýge, al jeke aqparattyń tarap ketýine jol berilgen jaǵdaıda alaıaqtyq faktisi boıynsha is tekserilýi úshin tıisti ótinishpen quqyq qorǵaý organdaryna júginýge keńes beredi», deıdi UB baspasóz qyzmeti.
