Aımaqtar • 16 Mamyr, 2022

Halyq pikirin aıqyndaıtyn aýqymdy is-shara

57 ret kórsetildi

Qazaqstan Respýblıkasy Kásipodaqtar federasııasynyń respýblıkalyq shtaby alǵashqy otyrysyn ótkizip, aldaǵy referendýmnyń maqsatyn, zańnamalyq ózgeristerdi túsindirý is-sharalary jaıyn talqylady.

Kásipodaqtar federasııasynyń janynan Konstıtýsııaǵa ózgerister men tolyqtyrýlar en­gizý boıynsha referendýmdy qoldaý maqsa­tynda barlyq oblys ortalyǵy men respýb­lıka­lyq mańyzy bar qalalardaǵy aımaqtyq qoǵam­dyq shtabtardyń jumysyn úılestiretin Respýb­lıkalyq shtab óz jumysyn bastaǵan bolatyn.

12 mamyr kúni Respýblıkalyq shtab jetekshisi, federasııa tóraǵasynyń orynbasary Nurlan О́teshevtiń jetekshiligimen Shyǵys Qazaqstan, Batys Qazaqstan, Soltústik Qazaqstan oblystary men Shymkent qalasy aımaqtyq shtabtary Úılestirý keńesteriniń otyrysy ótti.

Otyrysta atalǵan zańnamalyq ózgeristerdiń kásipodaqtar úshin de mańyzdylyǵy aıtylyp, Konstıtýsııaǵa engiziletin ózgerister men tolyqtyrýlardyń mazmuny tanystyryldy. Atap aıtqanda, Qazaqstan Konstıtýsııasynyń 33 babyna túzetýler engizý kózdelip otyr. Sonyń ishinde jer jáne onyń qoınaýy, sý kózderi, ósimdikter men janýarlar dúnıesi, basqa da tabıǵı resýrstar halyqqa tıesili bolady. Bul – áleýmettik ádilettilik qaǵıdasyna negizdelgen qoǵamdyq-saıası mańyzy bar qadam. Sonymen qatar Konstıtýsııalyq reformanyń nátıjesinde bıliktiń zań shyǵarýshy tarmaǵy eleýli ózgeriske ushyramaq. Máselen, Prezıdent ókilettigi qysqaryp, Parlamenttiń jáne onyń palatalarynyń róli edáýir kúsheıip, mártebesi artady.

«Biz Negizgi Zańǵa usynylyp otyrǵan ózge­rister men tolyqtyrýlar árbir azamattyń negiz­gi quqyqtary men kepildikterin, qoǵamdaǵy tu­raq­tylyq pen birlikti qorǵaýǵa baǵyttalǵa­nyn naqty tú­sinýimiz tıis. Konstıtýsııalyq reforma azamat­tardyń eldi basqarý isine qatysý múmkindigin arttyrady degen senimdemiz. Osy sebepti, biz kásipodaq múshelerin laıyqty ómir súrý jáne elimizdiń áleýetin arttyrý úshin, ár eńbekker óz quqyǵyn qorǵaı alýy úshin aldaǵy referendýmǵa belsendi qatysýǵa shaqyrýy­myz tıis», dep atap ótti respýblıkalyq shtab jetekshisi.

Otyrys barysynda sóz alǵan Batys Qazaqstan oblystyq Kásipodaqtar ortalyǵynyń tóraıymy Aıgúl Esekenova referendým jeke tulǵanyń emes, halyqtyń pikirin aıqyndaıtynyn jetkizdi. Sonymen qatar kásipodaq múshelerin bul refor­malardyń mańyzdylyǵyn túsine otyryp, refe­rendýmǵa belsendi qatysýǵa shaqyrdy.

Konferensııa sońynda Respýblıkalyq shtab jetekshisi Nurlan О́teshev ár qazaqstandyq «bir jeńnen qol, bir jaǵadan bas shyǵara oty­ryp», azamattyq ustanymdaryn tanytý arqyly alda­ǵy referendýmǵa belsene qatysatynyna senim bildirdi.

 

Batys Qazaqstan oblysy

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar