Prezıdent saıabaǵyna sakýra egildi

Ekologııalyq is-sharaǵa ERG-diń astanalyq keńseleriniń qyzmetkerleri men olardyń balalary, qoǵamdyq uıymdar ókilderi, eriktiler men jýrnalıster qatysty.

– Sakýra – Japonııanyń sımvo­ly­na aınalǵan dekoratıvti shıe. Álem­de onyń 200-den astam túri ósedi. Negizinen, jyly jaqta jaqsy tamyr jaıa­dy. Arasynda sýyqqa tózimdi túr­leri de bar. Búgin sakýranyń naq sol túriniń kóshetterin ektik, – dedi «Ornyqty damý» jer qorynyń je­tek­shisi Alan Besen. – Kóktemde bul sakýranyń gúldeýi tipten erekshe. Ári Qazaqstan astanasynyń klımatyna ábden beıimdelgen. Muny aıtyp otyrǵanym, biz ákimdikpen birlese otyryp, egilgen kóshetterdiń tamyr jaıyp, ósýine jaýaptymyz. Olardyń jersinip ketýin udaıy baqylap otyratyn bolamyz.

Bul – ERG-diń Nur-Sultan qalasyn­daǵy úshinshi alleıasy. Byl­tyr kóktemde kompanııa qyzmet­ker­leri Ulttyq kardıologııa orta­ly­ǵy mańyna jáne kúzde Atatúrik saıa­ba­ǵy­na badam aǵashtaryn ekken bolatyn.

– Bizdiń uzaqmerzimdi ekologııalyq strategııamyzda top kásiporyndary ornalasqan óńirlerdi kógaldandyrý da kózdelgen, – dedi ERG-diń qorshaǵan ortany qorǵaý departamentiniń dırektory Talǵat Tórebekov. – Tek bıylǵy kók­tem men kúzde ǵana Pavlodar, Qaraǵandy, Qostanaı, Aqtóbe oblys­tarynda jáne Shymkent, Almaty, Nur-Sultan qalalarynda jalpy sany 100 myń túp aǵash egýdi josparlap otyr­myz.

ERG-diń Ekologııalyq strategııa­sy aıasynda 2025 jylǵa deıin top kásiporyndary ornalasqan óńirlerde 420 myń túp aǵash otyrǵyzylmaqshy. Osy jobaǵa josparlanǵan jalpy ınvestısııa kólemi – 1,5 mlrd teńgege jýyq.

– Shybyq shanshyp, aǵash egý – qalyptasqan ıgi dástúrlerdiń biri, – dedi Alan Besen. – Mundaı is-sharalar túrli mańyzdy sebepter – erekshe atap ótiletin datalar, jalpyqalalyq me­re­keler, jalpyqazaqstandyq sen­bi­likter aıasynda turaqty túrde uıym­das­tyrylady. Jyl saıyn osy ıgi iske úles qosqysy keletin asta­na­­lyqtar sany da artyp keledi. Asta­nany kór­keıtip, jasyl jelekpen kóm­kórýge úles qosyp júrgen ár adamǵa alǵys aıtamyn!

Aıta keteıik, elimizdiń barlyq óńirinde ekologııalyq, áleýmettik jáne ekonomıkalyq problemalardy sheshýge baǵyttalǵan is-sharalar men naqty jobalardy júzege asyrý arqyly jergilikti qoǵamdastyqtar men aýmaqtardyń ornyqty damýyn qamtamasyz etý maqsatynda qu­ryl­ǵan jastardyń kommersııalyq emes qoǵamdyq birlestigi – «Ornyqty damý» jer qorynyń bastamasymen 2014 jyldyń sáýir aıynda alǵashqy Ulttyq aǵash egý kúni ótkizilgen bola­tyn. Bul is-sharanyń maqsaty – orman-toǵaılardy qamqorlyqqa alyp, qalpyna keltirip, halyq ıgi­li­gine saqtap qalý, qalalardaǵy ja­­­syl aımaqtardy abattandyrý, jurt­­tyń ekologııalyq saýatyn arttyryp, Qazaqstannyń jasyl qoryn to­lyqtyrý jobalaryna bıznestiń resýrs­taryn jumyldyrý.

Sátin salsa, Prezıdent saıabaǵyna keshe egilgen 300 túp sakýra kúni erteń astanalyqtar men elorda meı­man­da­ry­nyń kózaıymyna aınalmaq.