Qazaqstan • 17 Mamyr, 2022

Jol qurylysy salasyndaǵy 2 kompanııaǵa aıyppul salyndy

30 ret kórsetildi

Jyl basynan beri jol qurylysy salasyndaǵy 2 tehnıkalyq qadaǵalaý kompanııasyna 2,1 mln teńge kóleminde aıyppul salyndy, dep jazady Egemen.kz QR IIDM baspasóz qyzmetine silteme jasap.

Úkimet otyrysynda Indýstrııa jáne ınfraqurylymdyq damý mınıstri Premer-Mınıstr Álıhan Smaılovqa avtokólik salasyn damytý baǵytynda atqarylyp jatqan jumystarmen tanystyrdy.

Elimizdiń tranzıttik áleýetin arttyrý men óńirlerdiń ortalyqpen ishki kóliktik baılanysyn qamtamasyz etý mindetin iske asyrý oraıynda jalpy paıdalanymdaǵy 11,5 myń shaqyrym avtokólik joldary men segiz kólik dálizine modernızasııa, rekonstrýksııa jáne jóndeý jumystary úshin aǵymdaǵy jyly respýblıkalyq bıýdjetten 601 mlrd teńge bólindi. Kólik dálizi Aqtaý jáne Quryq teńiz porty arqyly Qytaı, Reseı jáne Orta Azııa elderinen Kavkazǵa jáne odan ári Eýropaǵa tranzıtti qamtamasyz etedi.

Qaıyrbek О́skenbaevtyń aıtýynsha, búginde respýblıkalyq jeliniń 7,3 myń shaqyrymynda jumystar júrgizilýde. Onyń 4,3 myń shaqyrymynda qurylys jáne rekonstrýksııalaý jumystary júrgizilmek. Bıylǵy jyldyń aıaǵyna deıin 1,6 myń shaqyrym joldy paıdalanýǵa berý josparlanǵan. Vedomstvo basshysynyń aqparatyna súıener bolsaq, 3 myń shaqyrym jolǵa kúrdeli jáne ortasha jóndeý jumystary júrgizilip, onyń 800 shaqyrymynan astamy paıdalanýǵa berilgen.

Al jergilikti jelide 4,2 myń shaqyrym jol jóndeý barlyq túrimen qamtyldy.

Bıtýmdy ýaqtyly jetkizý maqsatynda IIDM Energetıka mınıstrligimen jáne Básekelestikti qorǵaý jáne damytý agenttigimen birlesip, aı saıynǵy tikeleı jetkizý boıynsha jumys mehanızmin qurdy. Aǵymdaǵy jyly bıtýmnyń jalpy qajettiligi 1,1 mln tonnany quraıdy (onyń ishinde: respýblıkalyq jol jelisine – 600 myń tonna, jergilikti jol jelisine – 500 myń tonna).

QR IIDM basshysy óz sózinde oryndalatyn jumystar men paıdalanylatyn jol-qurylys materıaldarynyń sapasyna jiti nazar aýdarylatynyn atap ótti.

«Aǵymdaǵy jyldyń basynan beri jumystar men materıaldardyń sapasyn saraptaýmen respýblıkalyq jeli boıynsha barlyq avtojol jobalary jáne jergilikti jeli boıynsha 52 paıyzǵa qamtyldy. Sonymen qatar jol-qurylys materıaldarynyń 3 299 synamasy alynyp, synaldy. Jalpy alǵanda, jyl basynan beri merdigerlerdiń óz qarajaty esebinen 51,2 mln teńge somasyndaǵy jumystar qaıta júrgizildi. Eki tehnıkalyq qadaǵalaý kompanııasyna 2,1 mln teńge kólemine aıyppul salyndy. Sondaı-aq 1 tehnıkalyq qadaǵalaý kompanııasynyń attestaty alty aıǵa toqtatyldy», dedi Q. О́skenbaev.

Sondaı-aq mınıstr «Kólik týraly» zań jobasy sheńberinde oryndalatyn jumystardyń sapasyn baqylaýdy arttyrý maqsatynda birqatar túzetýler engiziletinin atap ótti. Olardyń qatarynda kepildik kezeńinde avtorlyq jáne tehnıkalyq qadaǵalaýdyń merdigerlik uıymdarmen teń dárejede ortaq jaýapkershiligi, Sapa ortalyǵyna kóshe-jol jelisindegi jumystar men materıaldardyń sapasyna saraptama júrgizý boıynsha ókilettikter berý sııaqty túzetýler bar.

Sonymen qatar vedomstvo basshysy joldardyń sapasyn qamtamasyz etý úshin myńnan astam normatıvtik-quqyqtyq akti qaıta óńdeletin aıtty. Budan ózge, joldardyń sapasy boıynsha ákimderdiń reıtıngin anyqtaý jónindegi ádisteme ázirlengenin de atap ótti.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar