«Búginde elimizde Pfizer vaksınasynyń qory 1 mln dozany quraıdy. Merzimine qatysty aıtar bolsam, jarty mıllıon vaksınanyń jaramdylyq merzimi maýsym aıynyń sońynda aıaqtalady», dedi Ajar Ǵınııat Ortalyq kommýnıkasııalar qyzmetinde ótken baspasóz máslıhatynda BAQ ókilderiniń saýalyna oraı.
Sonymen qatar el turǵyndardy revaksınasııalaý qalaı júrgizilip jatqanyn aıtty.
«Búginde turǵyndar shyn qalaýymen vaksınasııaǵa jáne revaksınasııaǵa baryp jatyr. Táýligine shamamen 15 myń adam ekpe alady. Sondyqtan Pfizer vaksınasymen ekpe jasaý josparǵa saı júrgizilip jatyr», dedi ol.
Ajar Ǵınııat elimizde jaramdylyq merzimi bitýge jaqyn vaksınanyń nelikten kóp qalǵanyn da túsindirip ótti.
«Pfizer vaksınasy bastapqyda bizde bar vaksına túrlerin eskere otyryp, balalar men júkti áıelderge satyp alynǵan bolatyn. Búginde vaksınalaýǵa jatatyn júkti áıelderdiń ne bári 30 paıyzy ǵana ekpe aldy. Sondyqtan qalǵan vaksına el turǵyndaryna salynyp jatyr», dep túsindirdi mınıstr.
