Almatyda Halyqaralyq dzıýdo federasııasynyń (IJF) mamandarynyń qatysýymen dzıýdodan jattyqtyrýshylar men tóreshilerge arnalǵan semınar máresine jetti. Semınar barysynda qatysýshylar bilimin tolyqtyryp, emtıhan tapsyrdy.
Tóreshiler emtıhannyń praktıkalyq bólimin Almatyda ótken jasóspirimder men jastar arasyndaǵy Azııa kýbogy aıasynda tapsyrdy.
Nátıjesinde tórt qazaqstandyq maman, atap aıtqanda, Kenjezarý Qashqynova, Varvara Masıagına, Erlan Tajıkov jáne Baýyrjan Shadraımov emtıhannan sátti ótip, IJF halyqaralyq dárejedegi tóreshi ataǵyna ıe boldy.
Aıta ketsek, IJF International kategorııasy otandyq tóreshilerdiń IJF kúntizbesine sáıkes ótetin Gran-prı, Grand Slam, Masters jarystary men álem chempıonaty, sondaı-aq, Olımpıada oıyndarynda tóreshilik qyzmetin atqarýǵa múmkindik beredi.
