Jaqynda Sybaılas jemqorlyqqa qarsy is-qımyl agenttigi keıingi kezde «qara altynymen» ǵana emes, birinen soń biri týra joldan taıyp tutylyp jatqan basshy qyzmetkerlerimen de aty shyǵyp turǵan Atyraý oblysynda taǵy eki sheneýnikke júıeli túrde para aldy degen aıyp taǵylyp, tergeýge alynǵanyn habarlady.

Bul qylmystyq istiń erekshe nazar aýdararlyǵy – onyń múmkindigi shekteýli jandarǵa qatysty ekeninde. Antıkordyń málimetine qaraǵanda, Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń Atyraý oblysy boıynsha departamentiniń basshysy men bólim basshysy múgedektikti kedergisiz uzartyp berý úshin 30-70 myń teńge aralyǵynda para alyp kelgen kórinedi. Mundaı «aqyly qyzmet» onsyz da memleketten alatyn járdemaqysyn shaılyǵyna áreń jetkizip júrgen kembaǵal adamdardyń ashý-yzasyn týǵyzyp, janaıqaılary aqyry Antıkordyń da qulaǵyna shalynǵany anyq.
Paıymdap qarasaq, múgedektigi bar músápir jandardan para dámetý úshin qanshalyqty arsyz, ımansyz, qatygez, qulqynnyń quly bolý kerek deseńizshi?!
«Estimegen elde kóp» demekshi, budan birer jyl buryn elimizdiń batys aımaǵyndaǵy basqa bir oblys ortalyǵynda bolyp, jergilikti áleýmettik qyzmetkerlermen kezdeskenimizde olar sóz arasynda bizge syrt kózge sap-saý kórinetin, ári avtokóliktiń anaý-mynaýyn emes, asa qymbat turatyn «Djıpin» minip júıtkitip júrgen keıbir alpamsadaı jigitterdiń múgedektigi bar adamdar retinde memleketten járdemaqy alatynyna tańdanatyndyqtaryn aıtqan edi. «Ondaılar múgedektigi bar ekeni týraly qaǵazdy qoldan jasatyp, memleketten alatyn járdemaqy esebinen mashınalarynyń benzıniniń qunyn ótep júrgen qýlar sekildi», dep kúlgen bolatyn. Rasynda da, Atyraý oblysy boıynsha Eńbek, áleýmettik qorǵaý jáne kóshi-qon departamentindegi sııaqty, múgedektigi bar týraly anyqtama paraǵa uzartylyp qana qoımaı, satylatyn da bolsa, tepse temir úzetin jigitterdiń arasynan osyndaı «batpan quıryqqa» ketári bolmaıtyndar shyǵýy ábden múmkin. Sondyqtan bul salada jappaı tekseris júrgizip, temirdeı tártip ornatýǵa kúsh salatyn kez kelgen tárizdi.
Al Qarjy monıtorıngi agenttigi Qaraǵandy oblysy boıynsha departamentiniń qyzmetkerleri bıylǵy qańtar aıynda «Qamqor» jedel-profılaktıkalyq is-sharasyn ótkizý barysynda jergilikti Ardagerler úıiniń qyzmetkerlerin sol mekemede turyp jatqan 25 zeınetker men múgedektigi bar adamnyń jalpy somasy 1,3 mıllıon teńge zeınetaqysy men járdemaqysyn jymqyryp, ózara bólisip jatqan sátinde qolǵa túsirgen. Olar mundaı qylmystyq «kásippen» bes jyl boıy aınalysqan bolyp shyqty.
Osy oraıda qýaty taıǵan qarııalar men múgedektigi bar adamdarǵa janashyr bolady degen úlken senim júktelgen basshy kadrlardyń adamgershilik deńgeıiniń qandaı ekeni, eń aldymen, Eńbek jáne halyqty áleýmettik qorǵaý mınıstrliginiń sheneýnikterin qatty oılandyrýǵa tıis. Bálkim, memlekettik qyzmetshilerdiń parasattylyǵyn hám jemqorlyqtan adalyǵyn tekserýge arnalǵan Integrity check tetigin osy mınıstrliktiń halyqpen qoıan-qoltyq jumys isteıtin óńirlik departamentteri men jer-jerdegi Ardagerler úıleriniń basshylaryna da qoldaný kerek shyǵar. Alaıda atalǵan mınıstrlik ázirge bárin qaǵaz júzinde «qatyryp» jatqanǵa uqsaıdy. Máselen, 2021 jylǵy sybaılas jemqorlyqqa qarsy is-qımyl týraly ulttyq baıandamada «Eńbek jáne halyqty áleýmettik qorǵaý mınıstrligi medısınalyq-áleýmettik saraptamanyń barlyq bólimshelerinde beıne-baqylaý júıesin jáne azamattardyń ártúrli organdarǵa sabylyp, qaǵaz toltyrý mashaqaty men qyzmet kórsetýshilermen tikeleı baılanysyn boldyrmaı, múgedektik belgileý úshin ony qashyqtan ótkizý formatyn engizýdi qamtamasyz etti», dep taıǵa tańba basqandaı etip jazylǵan. Biraq Atyraýda áshkere bolǵan soraqy jaǵdaı sóz ben istiń arasy jer men kókteı alshaq ekenin kórsetip bergen sııaqty. «Dombyram ne deıdi, men ne deımin?» demekshi, «Mınıstrlik ne deıdi, al onyń departamenti ne isteıdi?», degen saýal kókeıge kelip, qynjyltyp-aq tur.
Almaty ákimdiginiń qurylymy ózgerdi
Aımaqtar • Keshe
«AMANAT» – 2022 medıa syılyǵynyń jeńimpazdary anyqtaldy
Qoǵam • Keshe
Oqıǵa • Keshe
«Egemen Qazaqstan» gazetiniń tilshisi AMANAT medıa syılyǵyn ıelendi
Egemen Qazaqstan • Keshe
Mádenıet qyzmetkerleriniń jalaqysy ósedi
Qoǵam • Keshe
Toqaev Sı Szınpın usynǵan Jahandyq qaýipsizdik bastamalaryn qoldady
Prezıdent • Keshe
Qasym-Jomart Toqaev ınflıasııanyń ósýi ózekti másele ekenin atap ótti
Prezıdent • Keshe
Álemde azyq-túlik máselesine qatysty jaǵdaı kúrdelenip ketti - Toqaev
Prezıdent • Keshe
Ulttyq bank rýbldiń nyǵaıý sebebin túsindirdi
Ekonomıka • Keshe
Qostanaıda VII «Buqaralyq sport Olımpıadasy» aıaqtaldy
Sport • Keshe
Máýlen Áshimbaev: Reformalardyń basty maqsaty – ádiletti Qazaqstan qurý
Parlament • Keshe
Petropavlda Qazaqstan polısııasynyń qurdasy qyzmet etedi
Aımaqtar • Keshe
Parlament • Keshe
ShQO turǵyndarynan mına men qarý tárkilendi
Aımaqtar • Keshe
Búgin álemde 400 myńǵa jýyq adamnan koronavırýs anyqtaldy
Koronavırýs • Keshe
Prezıdent FIDE-niń eń jas chempıony Malıka Zııadındi quttyqtady
Prezıdent • Keshe
Antıkor Nurlan Másimov týraly málimet úshin syıaqy jarııalady
ANTIKOR • Keshe
Aımaqtar • Keshe
Ekibastuz turǵyny esirtkimen ustaldy
Aımaqtar • Keshe
Fýtboldan Qazaqstan quramasy FIFA reıtınginde kóterildi
Fýtbol • Keshe
ArselorMıttal Temirtaýdaǵy apatqa jumys berýshi kináli - komıssııa
Qazaqstan • Keshe
Almatyda joǵalǵan jasóspirim óli tabyldy
Oqıǵa • Keshe
Eýropada koronavırýs juqtyrǵandardyń sany artty
Koronavırýs • Keshe
Álem • Keshe
Kókshetaýda kontrabandalyq temeki ónimderi tárkilendi
Oqıǵa • Keshe
Alibaba jelisinde Qazaqstannyń ulttyq platformasy ashyldy
Qazaqstan • Keshe
Jambyl oblysynda jastarǵa arnalǵan turǵyn úı baǵdarlamasy bastalady
Aımaqtar • Keshe
Álem • Keshe
Uqsas jańalyqtar