Referendým-2022 • 19 Mamyr, 2022

Eldiń pikiri eskeriledi

106 ret kórsetildi

Batys Qazaqstan oblysynyń qorshaǵan ortany qorǵaý salasyndaǵy memlekettik uıymdar ókilderi jáne ekologııa belsendileri bas qosyp, konstıtýsııalyq reforma máseleleri jóninde pikir almasty.

«Jańa Qazaqstan: konstıtýsııalyq reformalar jáne áleýmettik damý modelin transformasııalaý» taqyry­bynda ótken keńeske Batys Qazaqstan obly­synyń tabıǵı resýrstar jáne tabıǵat paıdalanýdy retteý basqar­ma­sy, oblys boıynsha ekologııa depar­tamenti, «Qazgıdromet» RMK oblys­tyq fılıaly, Batys Qazaqstan oblys­tyq orman sharýashylyǵy jáne janýarlar dúnıesi aýmaqtyq ınspeksııasy sekildi t.b. memlekettik organdar ókilderi de, óńirde asa ózekti máseleni udaıy kóterip júrgen «Bizdiń Jaıyq – Nash Ýral» ekologııalyq qozǵalysy músheleri de belsene qatysty.

Referendýmdy qoǵamdyq qoldaý jónindegi respýblıkalyq shtabtyń Batys Qazaqstan oblysy boıynsha ókildiginiń múshesi, «Aýyl» partııasy oblystyq fılıalynyń jetekshisi Mynataýbık Ánesov Konstıtýsııaǵa engizilgeli turǵan ózgeristerdi tanys­tyryp ótti.

– Eń basty másele – óńirde refe­ren­dýmǵa ázirlik qalaı? Halyqtyń pi­kiri qandaı? Aldymyzda turǵan asa jaýapty naýqanǵa samarqaý qara­ma­ıyq de­gim keledi. Elimizde referendým 1995 jyldan beri bolmaǵan eken. Refe­ren­dým – halyqpen aqyldasyp she­shi­­le­tin mámile degen sóz. Osy kezge deıin Konstıtýsııaǵa tórt márte ózgerister men tolyqtyrýlar engizil­di, halyq pikiri eskerilmedi. Bılik bul joly da solaı ete salýy múmkin edi ǵoı. Biraq olaı etpeı, halyq­pen keńesýge jol ashyp otyr. Son­dyqtan 5 maýsym kúni azamat­tyq belsendiligimizdi kórsetip, tańdaý jasaıyq, – dedi Mynataýbık Taýfıquly.

M.Ánesovtiń aıtýynsha, referendýmdy uıymdastyryp, ótkizýge el qazynasynan 16 mlrd teńge bólingen. Eger referendýmǵa saılaýshylardyń 50 paıyzy qatyspasa, daýys bergen adamnyń 50 paıyzy ózgeristerdi qoldamasa, osy qarjy jelge ushady, úmit kútken Jańa Qazaqstan ornamaıdy.

Jıynǵa qatysýshylar atap ótken­deı, referendým nátıjesinde Kons­tı­týsııadaǵy 99 baptyń 33-ine ózgerister engeli otyr. Elimiz sýperprezıdenttik bas­qarý júıesinen túbegeıli bas tart­paq. Parlament bıligi kúsheıip, már­tebesi kóteriledi. Halyqty el bas­qarý isine aralastyrý tetikteri jeti­ldiriledi. Eń bastysy – Májilis depýtat­tarynyń 30 paıyzyn halyq ózi saılaıdy.

– Buǵan deıin Parlamenttegi 80 pa­ıyz bılikti burynǵy Nur Otan (qazirgi Amanat) partııasy usynyp otyrdy. Eshqandaı balamaly usynys ótpeıtin. Men ony jaqsy bilemin. Bizdiń «Aýyl» partııasy 20 jyldan beri Parlamentte joq. Bıik minberden bizdiń sózimiz aıtylmady. Sonyń saldarynan aýyldan aırylyp qala jazdadyq. Meniń oıymsha, qazirgi 30 paıyz da az. Bolashaq­ta bul da ózgeredi. Jańa partııalar kele jatyr. Degenmen osy ózgerispen jańa Parlamentti saılap alsaq, alda taǵy kóp másele ózgeredi. Oǵan senimdimin, – dedi shtab ókili.

Jıynda Batys Qazaqstan obly­synyń tabıǵı resýrstar jáne tabıǵat paıdalanýdy retteý basqar­masynyń basshysy Aldııar Halelov sóz alyp, osy keńeske qatysyp otyr­ǵan ár adamnan, memlekettik organ ókilderinen referendým týraly nasıhat jumysyn kóbirek taratýǵa, óz ujymynda bul saıası naýqannyń mán-mańyzyn túsin­dirýge shaqyrdy.

– Qańtarda alańǵa shyqqan halyq­tyń janaıqaıy, kótergen máselesi­niń kóbi – osy referendýmnyń ishin­de bar. Sondyqtan el tilegin qor­ǵap, Ata Zańymyzda bekitýge árqaı­sy­myz úles qosaıyq, – dedi Aldııar Sansyzbaıuly.

 

Batys Qazaqstan oblysy

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar