Qazaqstan • 19 Mamyr, 2022

Máýlen Áshimbaev BAÁ elshisine kóńil aıtty

24 ret kórsetildi

Parlament Senatynyń Tóraǵasy Máýlen Áshimbaev Birikken Arab Ámirlikteriniń kórnekti memleket qaıratkeri sheıh Sultan ben Zaıd Ál Nahaııannyń qaıtys bolýyna baılanysty BAÁ-niń Qazaqstan Respýblıkasyndaǵy Elshisi Muhammed Saıd Muhammed ál-Arıkıge kóńil aıtty, dep habarlaıdy Egemen.kz.

Senat Tóraǵasy Birikken Arab Ámirlikteriniń Qazaqstandaǵy elshiliginde bolǵan kezde kóńil aıtý kitabyna jazba qaldyrdy.

Máýlen Áshimbaev sheıh Halıfa ben Zaıd Ál Nahaııan musylman álemindegi jarqyn kóshbasshylardyń biri jáne Qazaqstannyń tatý dosy bolǵanyn atap ótti.

«Ol bizdiń elderimiz arasyndaǵy eki jaqty áriptestikti damytýǵa zor úles qosty. Bizdiń elimizde júzege asyrylǵan mańyzdy áleýmettik, ınfraqurylymdyq jáne ınvestısııalyq jobalar onyń esimimen baılanysty», dedi ol.

Senat Tóraǵasy atap ótkendeı, 15 mamyrda Memleket basshysy Qasym-Jomart Toqaev Ábý Dabıge baryp, sheıh Halıfa ben Zaıd Ál Nahaııannyń qaıtys bolýyna baılanysty jeke kóńil aıtqan bolatyn.

«Sheıh Halıfa ben Zaıd Ál Nahaııan Birikken Arab Ámirlikteriniń naǵyz kóshbasshysy retinde memlekettiń ósip-órkendeýine aýqymdy úles qosty. Ol sondaı-aq Qazaqstan men Ámirlikter arasyndaǵy qarym-qatynastyń negizin qalaýda jáne ózara dostyq pen yntymaqtastyqty nyǵaıtýda úlken ról atqardy. Onyń ekijaqty baılanysty arttyrýǵa sińirgen eseli eńbegin árdaıym zor qurmetpen eske alamyz. Sizderdiń qaıǵylaryńyzǵa ortaqtasa otyryp, jeke ózimniń jáne Senat depýtattarynyń atynan qaıǵyryp kóńil aıtamyn», dep atap ótti Senat Tóraǵasy.

Birikken Arab Ámirlikteriniń Prezıdenti jáne Abý-Dabı bıleýshisi, Joǵary mártebeli sheıh Halıfa ben Zaıd Ál Nahaııan 2022 jyldyń 13 mamyrynda jumada qaıtys bolǵan edi. Ol 2004 jyldyń 3 qarashasynan bastap BAÁ prezıdenti jáne Abý-Dabı bıleýshisi boldy.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar