Qazaqstan • 19 Mamyr, 2022

Sot júıesinde sýdıalardy irikteý máselesine qatysty reforma qajet – Prezıdent

24 ret kórsetildi

Sot júıesinde sýdıalardy irikteý máselesinen bastap, tórelik prınsıpterin retteýge qatysty birqatar reforma qajet. Bul týraly Memleket basshysy Qasym-Jomart Toqaev otandyq bıznes ókilderimen kezdesýinde aıtty, dep habarlaıdy Egemen.kz.

«Birinshi kezekte – kadr máselesi, óıtkeni sýdıalardy irikteý prınsıpterin jetildirmeıinshe, bul baǵytta jumsalǵan kúsh túgel tıimsiz bolyp qala beredi. Qazir sot júıesinde eki myńnan astam sýdıa qyzmet etedi. Jyl basynan beri sot júıesinen emes, ózge salalardan kelgen 50 praktık-zańger sýdıa boldy. Ilgerileý bar, biraq bul - jetkiliksiz. Jumysty barynsha kúsheıtý qajet»,  dedi Prezıdent.

Memleket basshysy ekinshi mańyzdy aspekt retinde sot tóreliginiń prınsıpteri týraly aıtty. Jekemenshik pen múddeniń sotta qorǵalý kepildigi – ekonomıkany damytý men ınvestısııa tartýdyń, ıaǵnı eldiń jalpy alǵa jyljýyn qamtamasyz etýdiń bazalyq sharty ekenine toqtaldy.

«Qazaqstanda memlekettik jáne jekemenshik qatar moıyndalady, teń dárejede qorǵalady. Bul - Konstıtýsııada bekitilgen qaǵıda. Alaıda bizde is júzinde jekelegen memlekettik organdardyń múddesin qorǵaýǵa basymdyq berilip ketedi. Olar memlekettiń múddesi retinde jańsaq qabyldanady. Ákimshilik ádiletti engizý arqyly biz bul úrdiske tosqaýyl qoıa aldyq, biraq jumys áli de kóp», dedi Memleket basshysy.

Prezıdent sot tóreliginde ádildik pen beıtaraptyqtan basqa prınsıp bolýy múmkin emestigin aıtty.

«Sot júıesin reformalaýdyń ýaqyty keldi. Biz bul qajettilik týraly sheteldik ınvestorlardan da, óz kásipkerlerimiz ben otandastarymyzdan da estip júrmiz. Sondyqtan jýyq arada osy baǵytta naqty ári aýqymdy sharalardy jarııa etemin», dedi Qasym-Jomart Toqaev.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar