Referendým-2022 • 20 Mamyr, 2022

Jastar óz úlesin qosady

57 ret kórsetildi

Qyzylordada Parlament Májilisiniń depýtaty Ǵalym Ámireev jastarmen kezdesip, alda ótetin referendýmnyń mańyzy jaıly pikir almasty. Saıası mańyzy bar naýqanǵa qatysty keıingi tolqyn ókilderiniń usynys-pikirlerin tyńdady.

Amanat partııasy Qyzylorda qalalyq fılıaly uıymdastyrǵan kezdesýde Ǵalym Mahmutbaıuly Konstıtýsııaǵa engizilip otyrǵan ózgeristerdiń mán-jaıyn túsindirdi. Prezıdenttik bılik, Parlament pen jergilikti ózin ózi basqarý salasyna da zamanǵa saı ózgeris ákeletin osy qadam elimizdiń jańarýynyń negizine aınalatynyna toqtaldy.

– Jer jáne jer qoınaýy, sý, ósimdikter men janýarlar dúnıesi, basqa da tabıǵı resýrstar halyqqa tıesili ekeni jaıyndaǵy normanyń bekitilýi, saılaý júıesindegi ózgerister, oblystar, respýblıkalyq mańyzy bar qalalar men astananyń ákimderin taǵaıyn­daýdaǵy jańalyqtar el basqarý isine halyqtyń qatysý múmkindigin keńeıte túsedi. Jańa kezeńge qadam basqan qoǵam jastary el ómirindegi osyndaı mańyzdy sátten syrt qalmaıdy degen oıdamyz, – dedi depýtat.

Kezdesýde partııanyń respýblıkalyq shtaby múshesi Bazar Tanbaeva, Amanat Jastar qanaty Qyzylorda oblystyq fılıalynyń tóraǵasy Medet Jorabek Jańa Qazaqstan qurýdaǵy mańyzdy kezeńde keıingi tolqynnyń úlesi kóp bolýy kerektigin aıtyp ótti.

Belsendi jastyń biri Shernııaz Jalǵasbekulynyń aıtýynsha, óz qatarlarynyń basty qujattaǵy ózgeris­terge qyzyǵýshylyǵy joǵary. Olar ózgeristi qalaıdy jáne ádiletti qoǵam qurýdyń basty sharty bolyp otyrǵan negizgi qujattaǵy jańalyqtardy júzege asyrý­ǵa óz úlesterin qosýǵa daıyn.

 

Qyzylorda

Sońǵy jańalyqtar

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Uqsas jańalyqtar