Bıylǵy jol-qurylys maýsymy aıasynda R-2 «Nur-Sultan - Qorǵaljyn» respýblıkalyq tas jolynyń ýchaskesinde jol jabynyndaǵy shuńqyrlardy jóndeý kezinde Vengrııa óndirgen «RapidAszfalt» sýyq asfalt qospasyn aprobasııalaý bastaldy. Jańa tehnologııanyń artyqshylyǵy - ony qandaı da bir daıyndyq jumystarynsyz, qyzdyrmaı-aq jáne qospalarsyz paıdalana berýge bolady.
Sondaı-aq bul tehnologııany qoldanǵan kezde aýyr arnaıy tehnıkanyń qajeti joq, ıaǵnı, qolmen nyǵyzdaý jáne vıbro-mashına ǵana jetkilikti. Sýyq qospa tez qataıady, sonyń arqasynda jóndelgen aımaqty birden ary qaraı qoldana berýge bolady.
О́ndirýshilerdiń aqparatyna sáıkes «RapidAszfalt» tehnologııasyn aýa-raıy sýyq bolǵan kezde de qoldana berýge múmkindik bar. Ol óz qasıetterin -20°C-dan + 50°C-qa deıin saqtaıdy. Aprobasııa sátti ótken jaǵdaıda atalǵan tehnologııany jol-qurylys salasyna engizý josparlanyp otyr.
