Qoǵam • 21 Mamyr, 2022

Almatyda Qazaqstan temir joly 73 jańa vagonmen tolyǵady

39 ret kórsetildi

Qazaqstan temir joly kompanııasy jazǵy maýsymdaǵy jolaýshylar tasymalyna qyzý daıyndalyp jatyr. Barlyq vagondarǵa salqyndatqysh ornatylyp, turaqty túrde tehnıkalyq qyzmet kórsetilip turady, dep habarlaıdy Egemen.kz «Habar 24»-ke silteme jasap.

Qazaqstan temir jolynyń otandyq týrızmdi damytýdaǵy úlesi orasan zor. Osy jazda 158 jolaýshylar poezy jolǵa shyǵady. Onyń ishinde, 107 baǵyt «Jolaýshylar tasymaly» aksıonerlik qoǵamynyń, 30 baǵyt jeke tasymaldaýshylardyń úlesinde. Oǵan qosa 21 tranzıttik poezd qatynaıdy.

«Biz jazǵy maýsymda 158 baǵytta, basqa ýaqytta 122 baǵytta jolaýshy tasymaldaımyz. Parkti jańartý jumystary kóbinese memlekettik qoldaýmen júzege asyrylady. О́ıtkeni áleýmettik baǵyttar úkimet tarapynan qarjylandyrylady. Sondyqtan shyǵynnyń bir bóligin memleket esebinen, qalǵan bóligin temirjol tasymalynan túsken tabyspen jabamyz», dedi «Jolaýshylar tasymaly» AQ Bas dırektory Jánibek Taıjanov

2019 jyly iske qosylǵan «Mobıýs» edektrondy júıesi jolaýshylardyń ýaqytyn kádimgideı únemdeıdi. Oǵan qosa bıletti alyp-satarlardyń áreketin shekteıdi. Ár bılet jeke sáıkestendirý nomeri men sms kod arqyly tekseriledi. Budan basqa Qazaqstan temir jolynyń 156 resmı kassasy, 3 myń agenttik jáne 15 saıt jumys isteıdi.

«О́tken jyldyń alǵashqy 5 aıynda onlaın bılet satylymynyń úlesi 56% bolsa, bıylǵy kórsetkish 70%-ten asty. Bul elektrondy bılet satylymynyń tıimdi ekenin kórsetedi. «Mobıýs» júıesiniń basty maqsattarynyń biri – bıletterdi zańsyz alyp-satarlardyń jolyn kesý», dep túsindirdi «Jolaýshylar tasymaly» AQ departamentiniń dırektory Erlan Jımaılov.

Jolaýshylar tasymalyndaǵy sanıtarlyq talap ta kúsheıgen. Mysaly sapaly mata men taza maqtadan jasalǵan tósek-oryn sý ótkizbeıdi, otqa tózimdi. «Jolaýshylar tasymaly» aksıonerlik qoǵamy bıyl taǵy 73 vagon satyp alýdy josparlap otyr.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar