Aımaqtar • 23 Mamyr, 2022

Ulaǵatqa yntyqtardyń umtylysy

24 ret kórsetildi

«Abaı oqýlary» baıqaýynyń oblystyq kezeńine júzden astam oqýshy qatysyp, baq synady. Bilim men bilik tarazy basyna tartylǵan kezde ulaǵatqa yntyqtardyń umtylysynyń kóptigi menmuńdalap turdy.

Oblys ortalyǵyndaǵy Abaı atyn­daǵy daryndy balalarǵa arnalǵan №3 ob­lystyq mamandandyrylǵan mek­tep-ınternatta joǵary synyp oqýshy­lary arasynda baıraqty báseke ótti. Mazmundy is-sharanyń uıym­dastyrýshysy – oblystyq bilim basqarmasynyń daryndy balalar men talantty jastardy anyqtaý jáne qoldaý jónindegi ortalyǵy. Alty atalym boıynsha ótken shyǵarmashylyq baıqaýda Astrahan, Býrabaı, Zerendi, Arshaly aýdandary men Stepnogorsk qalasynan qatysqan jasóspirimder óz boı­laryndaǵy bilim men bilikti jar­qy­ratyp kórsetip, uly hakimniń ula­ǵatyn qanshalyqty sińir­gen­dikterin aıqyn ańǵartyp, kósh bastady.

Ásirese, Astrahan aýdanynan kelgen Orazaly Hanat pen Aıym Ramazan alǵashqy eki atalym boıynsha ózge qurbylarynan oq boıy ozyp shyqty. Al «Abaıdyń aqyn shákirtteriniń shy­ǵarmalary» atalymynda býrabaılyq Ińkár Dáýlet, «Kóńilim ándi uǵady» atalymynda zerendilik Aqerke Zaker tula boılaryndaǵy talant ushqynyn tanytty. Arshalylyq Zeınep Saǵyntaı men Stepnogorsk qalasynan kelgen Dilnaz Saǵaıqyzy da eren júırikter qata­rynan kórinip, jaqsy qyrlarynan tanyldy.

Kil júırikter jınalǵan bilim báıge­sinde mańdaıy jarqyrap, toptan ozǵan jasóspirimder «Abaı oqýlarynyń» respýblıkalyq kezeńine joldama aldy. Eń bastysy, uly Abaıdyń ulaǵatyn endi qaıtyp óshpesteı etip zerek kóńilge toqyǵan júzden astam órenniń bo­ıyndaǵy umtylysty kórip, keler kún­derdiń kókjıegine degen senimdi esele­dik. Túısine bilgenge az olja emes-aý.

 

Kókshetaý

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar