Álem • 24 Mamyr, 2022

Qazaqstan elshisi fransýz ǵalymyn marapattady

28 ret kórsetildi

Qazaqstan elshisi Jan Ǵalıev Montero kommýnasynda Fransııanyń eńbek sińirgen ǵalymy, Qazaqstannyń baıyrǵy jáne adal dosy Jak Monemen kezdesti, dep jazady Egemen.kz.

95 jastaǵy fransýz qoǵam qaıratkeri kóp jyldar boıy qarýsyzdaný jáne ıadrolyq qarýdy taratpaý salasynda belsendilik tanytty. Osy turǵyda ol Qazaqstanǵa alǵash ret 1989 jyly adam men tabıǵat úshin ıadrolyq synaqtardyń saldaryn joıýǵa arnalǵan konferensııaǵa qatysý úshin saparmen kelgen edi.

1997 jyldyń basynda doktor Mone Sena-ı-Marna departamentinde «Fransııa-Qazaqstan» dostyq qaýymdastyǵyn quryp, Fransııanyń osy aımaǵynyń turǵyndaryn táýelsizdigimiz tańynda elimizben tanystyrdy.

Ekijaqty baılanystardy nyǵaıtýǵa jáne Fransııadaǵy Qazaqstan ımıdjin ilgeriletýge qosqan eleýli úlesi úshin elshi Jak Monege «Qazaqstan Respýblıkasynyń Táýelsizdigine 30 jyl» mereıtoılyq medalin tapsyrdy.

Montero qalasynyń «Château des Amendes» tarıhı ǵımaratynda uıymdastyrylǵan saltanatqa osy kommýnanyń meri, Il-de-Frans astanalyq aımaǵynyń vıse-prezıdenti Djeıms Sheron, Jak Monerdiń otbasy men jaqyn dostary qatysty.

Sońǵy jańalyqtar

Dollar arzandady

Qarjy • Keshe

Uqsas jańalyqtar