Sport • 24 Mamyr, 2022

Tennısshi Alan Qurmanǵalıev aldyna jan salmady

57 ret kórsetildi

Polshanyń Vladıslavovo qalasynda ústel tennısinen ótken WTT Youth Contender atty halyqaralyq týrnırde qaraǵandylyq sheber Alan Qurmanǵalıev qarsylastaryn qoǵadaı japyryp, chempıon atandy, dep jazady Egemen.kz oblys ákiminiń baspasóz qyzmetine silteme jasap.

Álemniń 33 elinen 260-tan astam tennısshi baq synaǵan dodada ol U-15 jas sanaty boıynsha óner kórsetip, jeti birdeı qarsylasyn qapy qaldyrdy. Al fınaldyq jekpe-jekte Alan fransýz  sportshysy Antýan Nýarony 3-1 esebimen tize búktirdi.

Qazaqstan Ústel tennısi federasııasynyń prezıdenti Danııar Ábilǵazın jas darynnyń bul týrnırdegi tolaıym tabysynyń kezdeısoqtyq emes ekenin atap ótti.

– Biz muny halyqaralyq reıtıngtik týrnırlerdegi orasan zor eńbek pen turaqty óner kórsetýdiń zańdy nátıjesi retinde qarastyramyz. Sońǵy kezeńde Alan ITTF halyqaralyq týrnırlerinde ártúrli dárejedegi 13 medaldi jeńip aldy jáne 15 jasqa deıingi sportshylar arasynda álemdik reıtıngte birinshi orynda keledi. Alan Qurmanǵalıev pen jattyqtyrýshy Elmıra Álıevany shyn júrekten quttyqtaımyn jáne olarǵa halyqaralyq sport arenasynda jańa  jeńister tileımin, – dep quttyqtady ol tennısshi men onyń bapkerin.

Eske salar bolsaq, budan buryn Alan Qurmanǵalıev dál osy týrnırde U-17 jas sanatynda synǵa túsip, tek fınalda ońtústikkoreıalyq tennısshi Chjýn Sýnǵa ǵana ese jibergen bolatyn.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar