Qoǵam • 24 Mamyr, 2022

3 myń qazaqstandyqqa jaldamaly baspana úshin sýbsıdııa beriledi

29 ret kórsetildi

«Otbasy bank» AQ jaldamaly baspananyń qunyn óteý úshin sýbsıdııa alýǵa ótinim qabyldap jatyr, dep habarlaıdy Egemen.kz.



«Búginde jaldamaly turǵyn úıge sýbsıdııa alýǵa azamattardan 13 758 ótinim qabyldandy. Onyń ishinde 6392 ótinim JSN arqyly berildi. Qazirgi derekke sáıkes 3044 klıentke sýbsıdııa maquldandy. Atalǵan azamattar ózine turǵyn úı izdestire berse bolady. Shamamen 2 aptadan soń olarmen kelisimshartqa otyramyz. О́tinish ıesi baspanany ózi izdep tabady, sodan soń turǵyn úıdi jaldaý baǵasynyń 50 paıyzyn memleket óteıdi. Sonymen qatar búginde 743 klıenttiń ótinishi qaralý ústinde. Eskeretin jaıt, jalǵa beriletin turǵyn úı sýbsıdııasyna qujat tapsyrǵanda ótinish ıesinen bólek, jubaıy (zaıyby) men olardyń kámelet jasyna tolǵan balalary da elektrondyq sıfrlyq qoltańbasyn qaldyrýy kerek», dedi «Otbasy bank» AQ-nyń basqarma tóraǵasy Lázzat Ibragımova Ortalyq kommýnıkasııalar qyzmeti alańynda ótken baspasóz máslıhatynda.

Bank basshysynyń málimetinshe, 7993 azamattyń turǵyn úı sýbsıdııasyn alýǵa bergen ótinishi túrli sebepterge baılanysty qanaǵattandyrylmady.

«Qujat qabyldaý onlaın formatta júrip jatyr. Bankke kelýdiń qajeti joq. Taǵy bir aıta ketetin jaıt, memleketten jalǵa beriletin turǵyn úı sýbsıdııasyna ótinishti jekelegen sanattarǵa jatatyn azamattar ǵana bere alady. Olar kópbalaly otbasylar, 1, 2-toptaǵy múgedek jandar, jetim balalar jáne múgedek bala tárbıelep otyrǵan otbasylar», deıdi ol.

 

 

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar