Referendým-2022 • 24 Mamyr, 2022

Jastardy belsendi bolýǵa shaqyrdy

67 ret kórsetildi

El Prezıdenti Qasym-Jomart Toqaevtyń bastamasymen 5 maý­sym kúni jalpyhalyqtyq referendým ótetini belgili. Dál sol kúni Ata Zańnyń úshten bir bóligine ózgerister men tolyqtyrýlar engizý máselesi halyqtyń qalaýymen sheshimin tabady.

Kúni keshe Parlament Sena­ty­nyń depýtaty Aqylbek Kú­rish­baev pen «Qazaq qyzy» qo­ǵam­dyq uıymynyń tóraǵasy Qaraqat Ábden Joǵary kólik jáne kommýnıkasııa kol­led­ji­niń qyzmetkerleri jáne stý­dentterimen kezdesip, «Re­fe­ren­dým – demokratııalyq qoǵam­nyń mańyzdy quraly» taqy­ry­by tóńireginde áńgime órbitti.

Kezdesý barysynda elor­da­da­ǵy tehnıkalyq jáne kásiptik bilim berý mekemeleri dırektorlar keńesiniń tóraǵasy, Kons­­tı­týsııalyq reformalardy tú­sin­dirý jónindegi Nur-Sultan qalasy boıynsha respýblıkalyq qoǵamdyq shtabtyń basshysy Zulpuhar Ǵaıypov sóz alyp, saıa­sı reformanyń mán-mańy­zy­na toqtaldy.

Senator Aqylbek Qajy­ǵul­­uly jalpyhalyqtyq refe­ren­dýmnyń Jańa Qazaq­stan­dy qalyptastyrýdaǵy mańyzyna keńinen toqtaldy. Sondaı-aq ol óz sózinde referendýmǵa engi­zilýge tıis ózgerister men to­lyq­ty­rýlar memleketimizdiń qa­ra­pa­ıym azamatynyń ómir súrý daǵdysyna qanshalyqty oń áser etetini jóninde de naqty mysaldar arqyly pikirin bildirdi.

Kezdesý barysynda qaty­sý­shylar tarapynan qoıyl­ǵan saýaldarǵa naqty jaýap bergen Senat depýtaty ár bap boıynsha engizilýi yqtımal ózgeristerge jeke-jeke toqtaldy. Keıinnen sóz sóılegen Qaraqat Jaqsy­lyq­qyzy eńbek ujymyna daýys berýdiń erejeleri men sharttaryn túsindirip, referendýmǵa belsene qatysýǵa shaqyrdy.

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar