Gazǵa qosý qujattary azaıady

«О́zderińiz biletindeı, kó­gildir otyn elordanyń eko­logııa­syna da, qala turǵyn­darynyń ómirine de oń áserin tıgizedi. Úıine gaz kirgizý úshin qujat jınaý máselesi bo­­ıynsha bizge turǵyndar jú­gi­nip jatady. Osyǵan deıin gazǵa qosylý úshin mindetti túrde qujattyń 8 túri talap etilip, is birneshe aıǵa (6 aıdan asa) sozylyp ketetin. Endi osyǵan baılanysty qujattar tizimin qysqartýdy josparlap otyrmyz. Bul shara Memleket basshysynyń «Memlekettik apparattyń qyzmetin bıýrokratııadan aryltý jónindegi sharalar týraly» Jarlyǵy aıasynda qabyldanady», dedi qala basshysy.

Sonymen qatar ol buǵan deıin Energetıka, Ulttyq ekono­mıka mınıstrlikteriniń, «QazaqGaz» UK» AQ jáne t.b. qatysýymen Úkimette arnaıy keńes ótip, gazǵa qosylý boıynsha qujattar tizimin qysqartý máselesi qaralǵanyn atap ótti.

«О́zderińiz biletindeı, qala­­myzda Saryarqa jáne Al­ma­ty aýdandaryn tolyqtaı gazdandyrdyq. Bul úshin 680 shaqyrymnan astam gaz taratý jelisi salyndy, kvartal ishine jeliler tartyldy. 14 myń abonent gazǵa qosyldy, 6 myńnan astam abonent tehnıkalyq sharttar aldy, sol sııaqty 3,5 myńnan astam (25%-dan astam) úı gazǵa qosyldy. Osyǵan qa­tys­ty birqatar jeńildikter qa­byldadyq: muqtaj sanat­taǵy turǵyndardyń gazǵa qo­sylýy úshin áleýmettik kó­mek bólinedi. Al áleýmettik kómek mólsheri 413 myń teń­ge­ge deıin ulǵaıdy, qala tur­ǵyndarynyń bárine tegin túrde eseptegishter beriledi, sondaı-aq paıyzsyz kredıt berý baǵdarlamasy da bar. Jazda Baıqońyr jáne Esil aýdandarynda gaz qubyryn tartý jumysyn bastaımyz. Máselen, Ilınka (Úrker), О́ndiris, Prıgorodnyı, Tel­man eldi mekenderi, Family Village, Garden Village shaǵyn aýdandary jáne t.b. Sol sııaqty Shubar sha­ǵyn aýda­nyn­da jobalaý ju­my­sy jú­rip jatyr», dedi A.Kólginov.

Esil jáne Baıqońyr aýdandarynda aldymen jetkizýshi gaz qubyryn, al kelesi jyly kvartal ishine jeliler salynatynyn aıtty.

«Sonymen qatar JEO-1 jáne JEO-2-de bas-aıaǵy 13 sý jy­lytý qazandyǵy gazǵa aýys­­tyryldy. Al JEO-3 qu­ry­lysy qaıta jandandy, qu­rylysy júrip jatqan jańa aýdandardy jylýmen qam­ta­masyz etý úshin 3 gaz qazan­­dyǵyn jobalaý jumysy júrip jatyr. Qolǵa alynǵan sharýalardyń bári qalanyń ekologııasyn jaqsarta túsedi. Gazdandyrý jumysy – Mem­le­ket basshysynyń tike­leı baqylaýynda», dedi elorda ákimi.