Qoǵam • 27 Mamyr, 2022

Qazaqstanda elektrondy temekige tyıym salynýy múmkin

32 ret kórsetildi

«Temeki tútininen azat Qazaqstan úshin» ulttyq koalısııasynyń kóshbasshysy Jámıla Sadyqova elektrondy shylymnyń aksızin qymbattatýdy usyndy, dep habarlaıdy Egemen.kz.

«Qyzdyrylatyn temekiniń ár danasyna aksız engizýden bólek Saýd Arabııasy men Birikken Arab ámirlikteriniń jaqsy tájirıbesi bar – elektrondy shylym qurylǵysynyń qunynan 50 paıyz alym tólenedi. Mysaly bir ret qoldanýǵa arnalǵan elektrondy shylymnyń baǵasy 2 myń teńge bolsa, aksızi myń teńge bolady. Sonyń esebinen quny 3-3,5 myń teńgege qymbattaıdy», dedi Jámıla Sadyqova ortalyq kommýnıkasııalar qyzmetinde ótken brıfıngide.

Sarapshynyń sózine qaraǵanda, osynyń arqasynda elektrondy shylymǵa balalardyń qol jetkizýi qıyndamaq.

«Biz de osyndaı aksız engizsek, elektrondy shylymnyń qoldanysyn shektep, sol shekteýli saýdanyń ózinen jaqsy tabys kórýge múmkindik alamyz. Iаǵnı ondaı saıasattan memleket utady. Ýkraınada elektrondy shylym aksızinen jyl saıyn 200 mlrd teńgedeı kiris túsip otyrǵan. Biz jyl saıyn 80 mlrd teńge kiris kirgize alamyz. Budan tek tabak ındýstrııasy ǵana zardap shegedi», dedi qoǵamdyq uıym basshysy.

Ulttyq koalısııa jetekshisi Qazaqstan aýmaǵynda elektrondy shylymnyń aınalymyn shekteýdi usynyp otyr.

«Ázirge veıpterdiń aınalymyna tyıym salynbaǵandyqtan, tek depýtattardyń usynysy kúıinde qalyp kele jatqandyqtan, bul naryqtan salyq óndirý kerek. Iаǵnı, naryqta bar kezinde jaqsy salyq óndirip qalý qajet. Ol bıýdjettiń kirisine túsedi. «Tútinsiz» shylymǵa tyıym 2020 jyly salyndy. Eki aıdyń ishinde tyıym kúshine endi de, naryq odan aýyr zardap shekken joq. Qazir sol kezde elge kirgizilip úlgergen qaldyǵy satylyp jatyr. Keıin múlde naryqtan joǵalady. Densaýlyq saqtaý mınıstrligi qoldasa, veıpterdiń satylymyna da bir jyldyń ishinde tyıym ornatýǵa bolady», dedi Jámılá Sadyqova.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar