Irgeli ózgeristerge jol ashady

Dóńgelek ústel jumysyna Almaty qalasy máslıhatynyń depýtaty, joǵary oqý orynda­ry­nyń ókilderi, kolledj dırek­tory, prorektorlar, kafedra meńgerýshileri, jastar isi jó­nin­degi komıtetiniń basshysy, akademııanyń professor-oqy­tý­shylar quramy qatysyp, referen­dým­nyń mańyzy jaıly oılaryn ortaǵa saldy.

Jıynda referendýmǵa qatys­ty tyń oılar aıtyldy, sóz alǵan spıkerler Jańa Qazaq­standy birge qurýǵa shaqyrdy. Dúnıe­jú­zilik paralımpııadalyq oıyndardyń júl­degeri, akademııa túlegi, Almaty qalalyq máslıhatynyń de­pýtaty Serik Esmatovtyń piki­ri jıynǵa sha­qyrylǵan stýdent­ter­diń naza­ryn aýdardy. Oıyn balasy kezinde poıyzdyń astyna tú­sip ketip, eki aıaǵynan birdeı aıyrylǵan Serikti taǵdyry syndyra almady. Orta mektepti bitirgen soń osy akademııaǵa oqýǵa qabyldandy, kóńildi tapqyrlar klýbynyń múshesi retinde túrli is-sharalardy uıymdastyrdy, dúnıejúzilik paralımpıadalyq oıyndardyń júldegeri atandy.

Reforma qoǵamdy demokratııa­lan­dyrýdyń shynaıy qadamy ekenin aıtqan S.Esmatov saıası naýqannyń irgeli ózgeristerge jol ashatyndyǵyn, azamattardyń memlekettik basqarýǵa neǵurlym keń qatysýyn kózdeıtin, halyq­tyń qoldaýymen elimizdiń jańa saıası júıege kóshýine barynsha yqpal etýge baǵyttalǵanyn aıtty. «Referendým bılik úshin emes, halyq úshin kerek. Jańa Qazaqstan – ádilettilik erejeleri qalyptasqan qoǵamy bar memleket. 2019 jyly aıtylǵan «Halyq únine qulaq asatyn memleket» tujyrymdamasynyń ómir­degi, praktıkalyq kórinis­te­riniń biri osy – referendým. Konstıtýsııaǵa engizilgen ózgerister memlekettik basqarý júıesin trans­for­ma­sııa­laýǵa, Parla­menttiń rólin kúsheıtý, halyqtyń eldi bas­qa­rýǵa qatysýyn keńeıtý, aza­mat­tardyń quqyqtaryn qor­ǵaý­dyń konstıtýsııalyq tetik­t­erin kúsheıtý tárizdi irgeli ózge­ris­ter­ge jol ashady», dep atap ótti S.Esmatov.

ALMATY