Aqparattar aǵyny

● Almatylyqtar Qazaq­stan halqynyń birligi kú­nin velojaryspen atap óte­di. Sáýirdiń 26-synda uıym­das­tyrylatyn shara sondaı-aq maýsymnyń ashylýyna arnalady. Márege aldymen jetkenderge estelik syılyqtar men syı-syıapattar tapsyrylady. ● Shyǵys Qazaqstan oblysynda «Bolashaqtyń energııa­sy» jobasy konkýrsynyń qorytyndysy shyqty. Oblys ákiminiń birinshi orynbasary Ermek Kósherbaevtyń basqarýyndaǵy komıssııa 86 jobany tańdap aldy. Olardyń arasynan 21 atalym boıynsha jeńimpazdar anyqtaldy. ● Soltústik Qazaqstanda bıyl jastar tájirıbesine 1,6 mln. teńge qarjy bólindi.  Jastar isi jónindegi basqarma basshysy V.Molodovskııdiń aıtýynsha, aımaqta ústimizdegi jyly 53 áleýmettik mańyzdy jobany iske asyrý josparlansa, olardyń 12-sin jastar saıasaty jónindegi basqarma júzege asyrady. ● Pavlodarda Sháken Aımanovtyń 100 jyldyǵyna arnalǵan kıno aptalyǵy bas­taldy. Oblys ortalyǵynda osyǵan oraı 21-25 sáýir kúnderi  «Taqııaly perishte», «Jambyl», «Atamannyń aqyry» sııaqty fılmder kórsetiledi. Aptalyqtyń jabylýynda Estaı atyndaǵy qalalyq mádenıet saraıynda kınokonsert ótedi. Oǵan otandyq kıno óneriniń tanymal tulǵalary qatysady. ● Qaraǵandy oblysyndaǵy Kókpekti turǵyndaryna kómek retinde 90 mln. teń­ge jınaldy. Oblys áki­miniń baspasóz qyzmeti habar­la­ǵandaı, qazir 330 otbasyna gý­ma­nı­tarlyq járdem beril­gen. Taǵy 14 otbasy jataqha­naǵa orna­las­tyrylǵan. Sol sııaqty 2 ot­ba­syǵa ýaqytsha páter usy­nylǵan. ● Ońtústik Qazaqstanda bir kún ishinde 1600-den astam kóshet otyrǵyzyldy. Orman kúnine oraı «Saıram-О́gem» ulttyq tabıǵı parkiniń 4 gektarlyq aýmaǵy jemis aǵashtarynyń óskinderimen tolyqty. Sharaǵa orman qory jerine irgeles jatqan aýyl azamattary men mektep oqýshylary, ulttyq park qyzmetkerleri qatysty. ● Qostanaı oblysynyń ishki ister salasyna birden 114 ofıser men serjant qyzmetke alyndy. Osylaısha oblysta tártip saqshylary kadrlyq qyzmetkerleriniń tapshylyǵy bes esege azaıdy. Jalpy, úmitkerler arasynan 600 adam talapqa saı kelmegendikten, ótpeı qaldy. Departament baspasóz qyzmetinde atap ótkendeı, kezekten tys attes­tattaýdan keıin jergilikti quqyqtyq tártip organdarynda kadrlar jetispeýshiligi 500-den astam birlikti quraǵan. ● Jaıyq-Kaspıı bas­seı­niniń sý aıdynynda 230 kg qortpa balyǵy ustaldy. Qorshaǵan orta jáne sý resýrstary mınıstrliginiń bas­pasóz qyzmeti málim etkendeı, aımaqta  «Bekire-2014» aksııa­sy bastalǵaly beri jalpy sal­maǵy 1112 kg quraǵan 33 bekire tuqymdas balyq aýlandy. BNews.kz, Alau.kz, Altaynews.kz, Egemen.kz aqparlary, oblystyq ákimdikter saıttary boıynsha daıyndaldy.