Qazaqstan men Qyrǵyzstannyń eńbek sińirgen qaıratkeri Atyraý qalasyndaǵy №7 ýchaskede tirkelgen. Búgingi búkilhalyqtyq referendýmnan tys qalmaı, el bolashaǵy úshin daýys berdi.
«Bul referendýmnyń Qazaqstan halqy úshin mańyzy óte zor. Biz – Ata zańymyzdy erekshe qurmet tutatyn halyqpyz. Sol sebepten, el Konstıtýsııasyna engiziletin ózgerister men tolyqtyrýlarǵa daýys berý – el úshin, qoǵam úshin qajet qadam. Bul ózgeris búginimiz ben bolashaǵymyz úshin erekshe mánge ıe. Halyqtyń búgingi tańdaýy ózderi úshin ıgilikti, ádil ári ádiletti bolsa eken. Osy referendýmnyń nátıjesinde Qazaqstanymyz jan-jaqty damyp, kórkem elge aınalsa eken degen tilegim bar. Urpaǵymyz osy ózgeristiń ıgiligin kórse eken», dep pikir bildirdi Ilıa Jaqanov.
