Jyljymaly komıssııany úıinde kóterińki kóńil-kúımen qarsy alǵan án padıshasy memleket basshysy Qasym-Jomart Toqaevtyń bastamalaryna der kezinde qabyldanǵan sheshim dep baǵa berdi.
Ánshi sondaı-aq Konstıtýsııaǵa ózgertýler engizý týraly sheshim ásirese jastar úshin qajet, óıtkeni olardyń bolashaǵy kóp jaǵdaıda soǵan baılanysty ekenin atap ótti. «Konstıtýsııamyzdyń áleýetiniń keıbir tustary zamanǵa saı bolmaı tur. Biz jańa zaman, jańa memlekettik qurylym tabyldyryǵynda turmyz. Memleket basshysy Qasym-Jomart Toqaev qazaq tarıhynda jańa Qazaqstannyń negizin qalaıtynyn, bul ortada ádiletsizdik pen jemqorlyqqa jol bermeıtinin aıtty. Halyqtyń múddesi úshin abyroıyn báıgege tigip otyrǵan Prezıdentimizdi kóp bolyp qoldaıyq. Buryn halyqta tańdaý múmkindigi bolmady, talant tıisinshe baǵalanbady, «qoǵam tańdaýlylardyń» qyspaǵynda qaldy. Bul bizdi zaıyrly qoǵam qundylyqtarynan alystatyp jiberdi. Endi bári basqasha bolady, qazaqtyń eńsesi kóteriledi dep úmittenemin. Myń ólip, myń tirilgen qazaq bul kúnge laıyq. Alla taǵala ústimizde tek tynyshtyq, ashyq aspan bersin, memleketimizdiń damý jolyna túsýine ishki, syrtqy kúshter kedergi bolmaýyn, al Qasym-Jomart Kemelulyna bastaǵan reformalarynyń nátıjesin elimen birge kórýine jetetin ómir tileımin», dep sózin túıindedi B. Tólegenova.
