R.Nadal fınalda norvegııalyq Kasper Rýýdty 6:3, 6:3, 6:0 esebimen utty. Osylaısha, ıspanııalyq sportshy Fransııa ashyq chempıonatyn on tórtinshi ret utyp, topyraq tósenishindegi óziniń teńdesi joq tennısshi ekendigin dáleldedi. Ol erler arasynda Rolan Garros týrnıriniń eń jasy úlken jeńimpazy boldy.
Jarys barysynda Nadal úzdik ondyqqa kiretin tórt oıynshyny, sonyń ishinde álemniń 1-raketkasy, serbııalyq Novak Djokovıchti joldan taıdyrdy. Osymen, «Úlken dýlyǵa» týrnırlerin 22 ret utqan R.Nadal sporttyq jolyn jalǵastyratynyn málimdedi.
Bir jylda ol Aýstralııa jáne Fransııa ashyq chempıonatynda úzdik shyqty. Áıelder arasynda álemniń birinshi raketkasy, Polsha ókili Iga Sventek Rolan Garros dodasynyń eki dúrkin jeńimpazy atandy. Ol 35 match boıy jeńilmeı keledi. Bul jóninen amerıkalyq Vınýs Ýılıamsti qýyp jetti.
Rolan Garros jarysynda Qazaqstannan Elena Rybakına úshinshi aınalymǵa deıin jetip, byltyrǵy kórsetkishin (shırek fınal) qaıtalaı almady.
