«Taldyqorǵan qalalyq sotynyń úkimimen Almaty oblysynyń kásipkerlik jáne ındýstrıaldy-ınnovasııalyq damý basqarmasynyń basshysy Tamerlan Razbekov pen «ASPMK-519» JShS basshylyǵy sybaılas jemqorlyq qylmysy úshin kináli dep tanyldy», delingen habarlamada.
Tergeý málimetteri boıynsha, basqarma basshysy 2021 jyly JShS tehnıkalyq dırektory jáne bas dırektorynan 96 mıllıon teńgege oryndalǵan jumystar aktisine qol qoıýǵa yqpal etkeni úshin jalpy somasy 33 500 AQSh dollary kóleminde para alǵan.
JShS basshylyǵy 3 jylǵa bas bostandyǵyn shekteýge sottaldy. Razbekov 100,2 mıllıon teńge mólsherinde aıyppul salyna otyryp, ómir boıyna memlekettik qyzmette qyzmet atqarý quqyǵynan aıyryldy.
