«Birinshi synypqa qabyldaý úshin ótinishterdi qabyldaý 1 sáýirde bastalyp, 1 tamyzǵa deıin jalǵasady. Azamattarǵa yńǵaıly bolý úshin qyzmet avtomattandyrylyp, qujattardy eGov.kz veb-portaly arqyly qabyldaý júrgiziledi. Sondaı-aq ata-analardyń qalaýy boıynsha qujattardy dástúrli qaǵaz formatynda da berýge bolady», dep eske saldy QR BǴM-de.
QR BǴM Mektepke deıingi jáne orta bilim komıtetiniń tóraıymy Gúlmıra Kárimova atap ótkendeı, qujattardy qabyldaý shtattyq rejımde júrip jatyr.
«Ata-analar qujattardy belsendi túrde tapsyryp jatyr. Bıyl memlekettik tilde oqyǵysy keletin birinshi synyp oqýshylary kóp boldy. Qazaq tilinde oqytatyn synyptarǵa qabyldaý boıynsha eń joǵary kórsetkishter Mańǵystaý (91%), Qyzylorda (91,5%), Jambyl (82,2%) jáne Atyraý (80,1%) oblystarynda», dedi G. Kárimova.
Bilim mınıstrliginiń boljaýynsha, jańa oqý jylynda birinshi synypqa 400 myńnan astam qazaqstandyq bala barady.
